“შესაძლო კორუფციული გარიგებების გამო გადამდგარი პრემიერი პრემიერად დააბრუნა…” – მეზვრიშვილი

პოლიტიკოსი, ნათია მეზვრიშვილი:

“ევროპარლამენტის ვიცეპრეზიდენტი კორუფციის ბრალდებით დააკავეს და ნაცვლად იმისა ოცნება აქცენტს აკეთებდეს, როგორი უზენაესია კანონი ევროპაში, რომ ევროპაში კანონისთვის მნიშვნელობა არ აქვს ვინ ხარ, ე.წ. ექსპერტები გამოაგორეს ნარატივით „აი ესაა თქვენი ევროპა“, აი ასეთი ევროპა ბედავს და ჭკუას გვასწავლის. ოცნების ანტი-დასავლურ კამპანიას არ აქვს საზღვარი.

რა თქმა უნდა, ოცნებისთვის, რომელიც ჩაფლულია პოლიტიკური კორუფციის ჭაობში და რომელმაც შესაძლო კორუფციული გარიგებების გამო გადამდგარი პრემიერი პრემიერად დააბრუნა, წარმოუდგენელია კორუფციისთვის მაღალი თანამდებობის პირის დაკავება.

ოცნების ძალაუფლება რომ შეიზღუდება, პირველ რიგში, იმ დაწყებულ საქმეს გავაგრძელებთ, რასაც კორუფციის წინააღმდეგ შეურიგებელი ბრძოლის ეროვნული პოლიტიკის პრიორიტეტად გამოცხადება ჰქვია (და რომლის ბოლომდე მიყვანა სამწუხაროდ, არ დაგვცალდა). ეს იქნება პირველი რიგის ამოცანა იმიტომ, რომ კორუფცია აფერხებს ყველაფერს, რაც ქვეყნის განვითარებასთან, უსაფრთხოებასთან და თითოეული მოქალაქის კეთილდღეობასთან არის დაკავშირებული.”