“შესაძლებელია, მოთხოვნა იმდენად დაეცეს, რომ ფასები საერთოდ შემცირდეს”

საქართველოს ეროვნული ბანკის პრეზიდენტმა, კობა გვენეტაძემ საქართველოს პირველი არხის გადაცემაში „მოამბე“ ჩართვისას თქვა:

„შეიძლება, ერთი მიმართულებით გაცვლითმა კურსმა იმოქმედოს ინფლაციაზე, მაგრამ მეორე მიმართულებით, ვხედავთ, რომ წელს დიდი ალბათობით, არა მარტო საქართველოში, არამედ მთელ მსოფლიოში უარყოფითი ზრდა იქნება და ეს იმას ნიშნავს, რომ მოთხოვნა ზოგადად შემცირდება.

შესაძლებელია, მოთხოვნა იმდენად დაეცეს, რომ სამომხმარებლო ფასები საერთოდ შემცირდეს –ამიტომ, რეალიზატორებისთვის ძალიან მნიშვნელოვანია, ეს გაითვალისწინონ

უცნობია, რომელი ეფექტი გადაწონის. მომავალში იმის მიხედვით, რა სიტუაცია იქნება, შეიძლება, მონეტარული პოლიტიკის გამკაცრება იყოს საჭირო, მაგრამ არის დიდი შანსი, რომ შესაძლოა, შერბილება გახდეს საჭირო.

მისივე თქმით, როდესაც ასეთი მასშტაბის შოკი ხდება, შეუძლებელია, უცებ გაკეთდეს რაღაც, რაც ფასებზე გავლენას მოახდენს, მაგრამ ეროვნული ბანკი მიიღებს ყველა ზომას, რომ ქვეყანამ ეს პროცესი რაც შეიძლება, მალე გადაიტანოს და ინფლაცია მაჩვენებელს რაც შეიძლება, მალე, საშუალოვადიან პერიოდში დაუბრუნდეს.