“შერიგებაზე” პროპაგანდას სერიოზულად განიხილავთ? სამძიმარზე ყოფნისას სიცილი რომ გეუხერხულება ეგეთი სიტუაციაა – არჩილ გამზარდია

მე ხვალ, ეს თემა უნდა გავაკეთო, თან სერიოზული სახე მივიღო? – ტელეწამყვანი არჩილ გამზარდია ეროვნული შერიგების თემაზე დებატებს არასერიოზულად მიიჩნევს.

ამ “შერიგებაზე” პროპაგანდას მართლა სერიოზულად განიხილავთ და მე ხვალ, ეს თემა უნდა გავაკეთო, თან სერიოზული სახე მივიღო, ისე?
სამძიმარზე ყოფნისას სიცილი რომ გეუხერხულება უცებ შექმნილი კომიკური სიტუაციის გამო, სხვებიც ეგრე რომ არიან, მაგრამ ვინმემ თუ ვერ შეიკავა თავი, სხვები თვალებს  დაუქაჩავენ, რას კადრულობო, ეგეთი სიტუაციაა – წერს არჩილ გამზარდია სოციალურ ქსელში.

ცნობისათვის, ეროვნული შერიგების ინიციატივით საქართველოს ხელისუფლებას ექსპრეზიდენტმა მიხეილ სააკაშვილმა რამდენიმე დღის წინ მიმართა. გუშინ კი საქართველოს მეოთხე პრეზიდენტი, გიორგი მარგველაშვილი სამი პრეზიდენტის შეხვედრის ინიციატივით გამოვიდსა და განაცხადა, რომ უმჯობესია შეხვედრა პრეზიდენტის ადმინისტრაციაში შედგეს.