“შერიგება კიარა… დროა აზრზე მოვიდეთ ყველა” – ნინო ჯანგირაშვილი

ტელეკომპანია “კავკასიას” დირექტორი, ნინო ჯანგირაშვილი:

“სახელმწიფო ინსპექტორის კანონის საკითხში გამოჩნდება საერთოდ რამენაირი შინაარსი აქვს თუ არა სალომე ზურაბიშვილის მიერ წამოწყებულ პროცესს და შეიძლება თუ არა მისთვის გამარჯობის თქმა.

პრეზიდენტმა უნდა დაადოს ამ კანონს ვეტო, მიუხედავად იმისა, რომ ოცნება შეძლებს ვეტოს დაძლევას. ძალიან მარტივი წყალგამყოფია – თუ ღიად არ ემიჯნები ავტორიტარიზმს და ტოტალიტარიზმის მშენებლობას, ესეიგი მის მხარეს ხარ.

შერიგება კიარა, ავტორიტარიზმთან შეურიგებლობა უნდა იყოს ყველა მოლაპარაკების და შეთანხმების მთავარი საკითხი. მგონი დროა აზრზე მოვიდეთ ყველა. ვიკიპედიაში მაინც წავიკითხოთ ავტორიტარიზმის და ტოტალიტარიზმის განმარტებები. მანდ ვართ უკვე 99%–ით.”