ამ შეხვედრას ესწრებოდა გიორგი ვაშაძე და დათო საყვარელიძე – რას ჰყვება მიხეილ სააკაშვილი

საქართველოს მესამე პრეზიდენტი მიხეილ სააკაშვილი, 2012 წელს იხსენებს და ამბობს, რომ ის ძალაუფლების გადაბარების პროცესში მშვიდად მოქმედებდა, როდესაც გამოვიდა და თქვა, რომ ივანიშვილმა არჩევნების შედეგებით მოიგო.

“შაჰინი, მოვიდა სენატორ რიშთან ერთად და მათ მითხრეს დიდი მადლობა, რომ ასე მშვიდობიანად ჩაიარა ყველაფერმა, ამის შემდეგ მე ვნახე ვიცე–პრეზიდენტი ბაიდენი, რამდენიმე კვირაში ზუსტად, ფენიქსში, მაკკეინმა მოგვიწვია თავისთან სახლში, ამ შეხვედრას ესწრებოდა დათო საყვარელიძე და გიორგი ვაშაძე და მათი თანდასწრებით მითხრა, შენ ხარ აღმოსავლეთ ევროპის ჯორჯ ვაშინგტონიო, ამერიკელისთვის გითხრას – ხარ ჯორჯ ვაშინგტონიო, ამას აქვს რა მნიშვნელობა – ჯორჯ ვაშინგტონი იყო ძალიან წარმატებული პრეზიდენტი, ამერიკის დამფუძნებელი მამა – მთავარი, რომლის სახელიც ქვია აშშ–ის დედაქალაქს და რომელსაც შესთავაზა, კონგრესის უმეტესმა ნაწილმა, რომ მას თავი გამოეცხადებინა მეფედ და სამუდამოდ დარჩენილიყო ამერიკის მმართველად. ჯორჯ ვაშინგტონმა კი თქვა, ამერიკა არის რესპუბლიკა და მე არასდროს არ ვიქნები მუდმივი მმართველი, მე როგორც პრეზიდენტი, ვზღუდავ ჩემს ვადას და მივდივარ მმართველობიდან. აქედან მოდის აშშ–ის ფილოსოფია, რომ ქვეყანა არ ეკუთვნის არავის, პრეზიდენტი ეკუთვნის საკუთარ ქვეყანას, ჩემთვისაც ასე იყო.”