შემიწყალე თორემ თავ-ყბას გაგიერთიანებ, არ არის სწორი მესიჯი, „ცუდად მოვიქეცი, შემიწყალეთ“ – სწორი მესიჯია“ – იაგო ხვიჩია

პარტია „გირჩის“ წევრმა იაგო ხვიჩიამ„პალიტრას“ ეთერში განაცხადა:

„პოლიტიკოსმა მიხეილ სააკაშვილმა იმას მიაღწია, რისი მიღწევაც უნდოდა, საზოგადოებამ დაინახა მისი ის კადრი, რისი დანახვაც სააკაშვილისთვის გეგმის ნაწილი იყო. მიხეილ სააკაშვილის გულშემატკივრები არიან დაბნეულები და უბრალოდ რომც გინდოდეს, არ იცი რას უნდა უგულშემატკივრო. მესიჯი უნდა იყოს გულწრფელი. „შემიწყალე თორემ თავ-ყბას გაგიერთიანებ, არ არის სწორი მესიჯი, „ცუდად მოვიქეცი, შემიწყალეთ“ – სწორი მესიჯია. საზღვარგარეთ მიხეილ სააკაშვილის გადაყვანა ნიშნავს მის გათავისუფლებას. გათავისუფლება ორნაირად უნდა მიიღო, ან ბრძოლით ან თხოვნით და მონანიებით.

ამ ხსნის განმავლობაში არც ერთი და არც მეორე მხრიდან სერიოზული პირობა მაგიდაზე არ დევს. ორივე მხრიდან  მიმდინარეობს არასერიოზული ჩხუბი. ჩემი აზრით, ახლა „ნაციონალური მოძრაობა“ ყველაფერს უნდა აკეთებდეს იმისთვის, რომ „ქართულ ოცნებას“ საჯაროდ ათქმევინოს რა არის მიხეილ სააკაშვილის გათავისუფლების გზა და რას ითხოვენ ამისთვის, რა არის საპროცესო გარიგების საფასური. მიხეილ სააკაშვილის საზღვარგარეთ გადაყვანაზეა დადებული მთელი ფსონი. არ ვიცი ამ კამპანიიდან რა გამოვა, თუმცა ვფიქრობ, ამ კამპანიას რაღაც პოლიტიკური ნაწილი აკლია“