სამწუხაროდ, ზოგადი პოპულაციური იმუნიტეტის მიღწევისთვის და იმუნური ფენის შექმნისთვის ჩვენ გვჭირდება 1,5 მილიონი ადამიანის დაავადება ან იმუნიზაცია. დაავადების შემთხვევაში ეს კიდევ 10-11 თვე გაგრძელდება. სიკვდილობის მაჩვენებელი ჩვენთან 1,5%-ია, შესაბამისად, კიდევ დაგვეღუპება 10-13 ათასი ადამიანი. ამასთანავე, ჩვენ შეგვიძლია 2-3 თვეში ორჯერადად ავცრათ 1,5 მილიონი ადამიანი, სიკვდილობა და ჰოსპიტალიზაცია შევამციროთ 11-ჯერ, ყოველდღიური ავადობა კი 5-6-ჯერ, – ამის შესახებ ალერგოლოგ-იმუნოლოგმა, ბიძინა კულუმბეგოვმა სტუმრად „დილის შოუს“ ეთერში განაცხადა.
„ჩვენ გვყავს ძალიან ბევრი მოქალაქე, რომლებსაც კორონავირუსი არ გადაუტანიათ და არც ხელოვნურად, ვაქცინაციის გზით შეუძენიათ იმუნიტეტი. საქმე გვაქვს „დელტა“ შტამთან, რომლის დროსაც 1 ადამიანის ავადობა საშუალოდ 8-9 ადამიანის ავადობის ტოლფასია. ამავე დროს, მოხსნილია რეგულაციების დიდი ნაწილი, ხოლო დარჩენილი რეგულაციები პრაქტიკულად არ სრულდება. რეალურად, ასეთ პირობებში არაფერს უნდა ველოდოთ გარდა იმისა, რა დღეშიც ვართ. შეზღუდვების კვლავ დაწესება სიდუხჭირისკენ ქვეყნის წაყვანას ნიშნავს და ამიტომ ეს შეუძლებელია. ერთი მხრივ, სამწუხაროდ, ზოგადი პოპულაციური იმუნიტეტის მიღწევისთვის და იმუნური ფენის შექმნისთვის ჩვენ გვჭირდება 1,5 მილიონი ადამიანის დაავადება ან იმუნიზაცია. დაავადების შემთხვევაში ეს კიდევ 10-11 თვე გაგრძელდება.
სიკვდილობის მაჩვენებელი ჩვენთან 1,5%-ია, შესაბამისად, კიდევ დაგვეღუპება 10-13 ათასი ადამიანი. ამასთანავე, ჩვენ შეგვიძლია 2-3 თვეში ორჯერადად ავცრათ 1,5 მილიონი ადამიანი, სიკვდილობა და ჰოსპიტალიზაცია შევამციროთ 11-ჯერ, ყოველდღიური ავადობა კი 5-6-ჯერ. სახელმწიფოს ეს შეუძლია – რომ გადავთვალოთ, სადღაც იანვრის ბოლოსთვის ჩვენ უკვე ფონს გავალთ“, – აცხადებს ბიძინა კულუმბეგოვი
კომენტარები