ალერგოლოგ-იმუნოლოგი ბიძინა კულუმბეგოვი ჰონგ-კონგში ჩატარებული ახალი კვლევის შედეგებს ეხმაურება და წერს, რომ “ფაიზერის” ვაქცინა კვლავ რჩება ჩემპიონად, თუმცა “სინოფარმითა” და “სინოვაკით” აცრილებს სანერვიულო არ აქვთ, რადგან ვაქცინა წარმატებით იცავს სიკვდილისა და დაავადების მძიმე გართულებისგან.
“ჰონკონგში ჩაატარეს კვლევა სადაც ერთამენთს შეადარეს ფაზიერის და სინოვაკის იმუნოგენობა (იმუნური პასუხის უნარი და ძალა).
შედეგებმა აჩვენა, რომ ფაიზერის უნარი ჰუმორული (ანტისხეულები) იმუნიტეტის მხრივ მკვეთრად მაღალია სინოვაკზე, ხოლო სინოვაკის უნარი წაროქმნას უჯრედული იმუნიტეტი (CD4, CD8 T ლიმფოციტები) ვირუსის სტრუქტურული ცილების მიმართ გაცილებით მეტია ვიდრე ფაიზერის ვაქცინის. დასკვნის სახით შეიძლება ითქვას, რომ ყველა ფორმის დაავადების თავიდან აცილებაში ფაიზერი რჩება „ჩემპიონად“, ხოლო ჰოსპიტალიზაციის და სიკვდილისგან დაცვა (ეს ფაქტორები დამოკიდებულია უჯრედულ იმუნიტეტზე) ორივე ვაქცინას თანაბრად გამოდის. ასე, რომ გულგატეხილი ხალხი, რომლებიც მწერთ, რომ ავიცერი სინოფარმი/სინოვაკით და რა გვეშველებაო, სანერვიულო არ გაქვთ, ვაქცინა კარგად გიცავთ მძიმე დაავადებისგან და როცა ბუსტერი შეგეხებათ დაიმატეთ ნებისმიერი ვაქცინა, რომელიც გნებავთ” – წერს კულუმბეგოვი.
კომენტარები