„შე მელიას ჩმორო, სააკაშვილისაც კი არა, რა ერთობა აჩვენა მიშას მოძალადე მთავრობამ 2008 წელს, ჯერ ერთი, რუსების პროვოკაციას წამოეგო და ქვეყანა დამღუპველ ომში ჩაითრია, საბრძოლო მოქმედებებს პარტიის ვაილიდერები რომ ვითომ მეთაურობდნენ, ესეც კარგად გვახსოვს, მოსახლეობა რომ მიატოვეს კონფლიქტის ზონაში, ესეც ფაქტია, წითელ ხიდზე „ნაცმოძრაობის“ ჩინოვნიკების რიგები რომ იდგა, არ დაგვვიწყებია. ბრძოლის ველზე დაცემული გმირების ცხედრები ჯერ გაციებულიც არ იყო, სააკაშვილის ოჯახი რომ სახელმწიფო ქონებას იფორმებდა და ბოლოს, გახარიავ, შენი დღევანდელი ხელმძღვანელის, რუსული თვითმფრინავის ხმაზე დამფრთხალი სააკაშვილის სამარცხვინი ფორთხვაც ნახა მსოფლიომ“, – ასე ეხმიანება POSTV-ის წამყვანი შალვა რამიშვილი ვიდეობლოგში პარტია „საქართველოსთვის“ ლიდერის გიორგი გახარიას განცხადებას, რომლის თანახმად გახარიამ განაცხადა, რომ „დღეს, როცა შექმნილი ვითარებიდან გამომდინარე, კვლავ უსაფრთხოების რისკების წინაშე დგას საქართველო და როცა განსაკუთრებული გონიერება გვმართებს ყველას, გონიერება და ერთობა… ერთობა, რომელიც ვაჩვენეთ 2008 წელს ერთ მუშტად შეკრულებმა მტრის წინაშე ჩვენი ღირსების, თავისუფლებისა და მიწის დასაცავად“.
წყარო: pia.ge
კომენტარები