სამედიცინო სფეროს სპეციალისტების ნაწილი მიიჩნევს, რომ ქვეყანაში საველე ჰოსპიტლების აუცილებლობა ჯერჯერობით არ დგას და ეს საზოგადოებაში პანიკას გამოიწვევს. როგორც ღუდუშაურის სახელობის ეროვნული სამედიცინო ცენტრის ექიმი პაატა ღუდუშაური ამბობს, ამას სჭირდება სპეციალურად გადამზადებული ექიმები, რომელიც საქართველოს ამ ეტაპზე არ ჰყავს.
“საველე ჰოსპიტლის მოწყობის გარკვეული კრიტერიუმები არსებობს. ეს დაკავშირებულია იმ შემთხვევაში, როდესაც უკიდურესი მდგომარეობაა, ეს უკვე ჩემი სუბიექტური აზრია. მე ვერ ვხედავ ჯერჯერობით, რომ ქვეყანა ვერ უმკლავდებოდეს და თუ ამის აუცილებლობა იქნება, მე დარწმუნებული ვარ, რომ უკვე შემუშავებული იქნება ამის პროექტი, მენეჯმენტი და შესაძლებელი იქნება განხორციელება.
არ წარმოიდგინოთ ისე, რომ საველე ჰოსპიტლის შექმნა დღეს უკვე აპოკალიფსია. ამასაც თავისი მენეჯმენტი აქვს და გაართმევენ მედიკოსები ამას თავს, მაგრამ დანამატი დანახარჯია ეს სახელმწიფოსთვისაც, დამატებითი რესურსი სჭირდება მედიკოსების, გამოცდილებაც სჭირდებათ,” – აცხადებს ღუდუშაურის სახელობის ეროვნული სამედიცინო ცენტრის ექიმი პაატა ღუდუშაური.
კომენტარები