“საუბარი კონსტრუქციული იყო” – უკრაინის პრეზიდენტი

უკრაინის პრეზიდენტის, ვოლოდიმირ ზელენსკის, თქმით, უკრაინული დელეგაციის ხელმძღვანელმა რუსთემ უმეროვმა ამერიკულ დელეგაციასთან შეხვედრის დასრულების შემდეგ მას დიალოგის ძირითად პარამეტრებზე მოახსენა. ამის შესახებ ზელენსკიმ Telegram-არხზე დაწერა.

„დღეს, ამერიკაში სამუშაოს დასრულების შემდეგ, უკრაინული დელეგაციის ხელმძღვანელმა რუსთემ უმეროვმა აღნიშნა დიალოგის ძირითადი პარამეტრები, აქცენტები და გარკვეული შედეგები,“ – ნათქვამია ზელენსკის განცხადებაში.

მისი თქმით, საუბარი კონსტრუქციულად წარიმართა და ყველა საკითხი გახსნილად განიხილეს.

„მნიშვნელოვანია, რომ საუბარში არის კონსტრუქციულობა და შეხვედრებზე ყველა საკითხზე გულწრფელად ისაუბრეს – უკრაინის სუვერენიტეტისა და ეროვნული ინტერესების უზრუნველყოფის მიზნით,“ – განაცხადა ზელენსკიმ.

პრეზიდენტმა ასევე მადლობა გადაუხადა ამერიკას, პრეზიდენტ ტრამპის გუნდს და თვითონ ტრამპს დროისა და ძალისხმევისთვის, რომელსაც ისინი უკრაინაში ომის დასასრულებლად ახორციელებენ.

„ვაგრძელებთ მუშაობას. ველოდები ჩვენი გუნდის სრულ ანგარიშს პირადი შეხვედრის დროს,“ – დაამატა ზელენსკიმ.

ამავდროულად, აშშ-ის დელეგაციასთან შეხვედრის დასრულების შემდეგ უკრაინის ეროვნული უსაფრთხოების საბჭოს მდივანმა რუსთემ უმეროვმა განაცხადა, რომ ამერიკა უკრაინას საიმედო მშვიდობის მიღწევაში მხარდაჭერას უცხადებს.

„გვაქვს სერიოზული პროგრესი ღირსეული მშვიდობისკენ და ჩვენი პოზიციების დაახლოებაში ამერიკულ მხარესთან. ჩვენი ძირითადი მიზნები – უსაფრთხოება, სუვერენიტეტი და საიმედო მშვიდობა, უცვლელია და ამერიკული მხარეც იზიარებს,“ – დაწერა უმეროვმა.

მისი თქმით, კონსულტაციები გაგრძელდება და ასევე გაგრძელდება ერთობლივი ჩარჩო-გარდაწყვეტილებაზე შეთანხმების პროცესი.