სატვირთო ავტომობილი გადაკეტილ რუსთაველის გამზირზე შევარდა. მას შემდეგ, რაც გზის გაგრძელება ვერ მოახერხა, მძღოლმა აქციის მონაწილეების მიმართულებით შუშის ბოთლები ისროლა. შემთხვევა ცოტა ხნის წინ მოხდა.
თვითმხილველები ამბობენ, რომ ეს მიზანმიმართული პროვოკაცია იყო, ადგილზე კი დაპირისპირების დროს არცერთი პოლიციელი არ გამოჩენილა.
„გადაიკეტა გზა და როგორც ყოველთვის პოლიცია კეტავს ხოლმე თავისუფლების მხრიდან და ასევე მეორე მხრიდან. პოლიციას ამ დრომდე გზა არ გადაუკეტავს და ამ დრომდე შეიძლება, ნებისმიერ მომენტში, ნებისმიერი ადამიანი ჩვენზე, ქოცი ადამიანი, შემოვარდეს მანქანით და დაეჯახოს მოქალაქეებს. ამათაც ეს უნდათ, რომ რამე მოხდეს და პროვოკაციას წამოვეგოთ.
გარდა მაგისა, წეღან ზუსტად, როცა გზა გადაიკეტა დიდი მანქანა შემოვიდა და რა თქმა უნდა, ხალხის მასა იყო აქ და ფიზიკურად ვერ გაატარებდა და ეს მანქანა მაინც წინ მოდიოდა. პირველი შემთხვევა ეს იყო, რომ კინაღამ დაეჯახა ხალხს და შემდეგ უკვე, რომ მაინც გააბრუნა ხალხმა, ჯერ ხომ ილანძღებოდა უშვერი სიტყვებით ჩვენს მიმართ, შემდეგ აიღო და ალბათ რა ნაგავიც ჰქონდა მანქანაში მოგროვილი, მინის ბოთლები, ისროლა ჩვენი მიმართულებით“, – ამბობს აქციის მონაწილე ანი ახმეტელი.
შეგახსენებთ, რომ პროტესტის 314 დღესაც დედაქალაქის მთავარი გამზირი გადაიკეტა. “ოცნების” ლიდერების მუქარის მიუხედავად, მოქალაქეები რუსთაველის გამზირზე ისევ გავიდნენ. (ტვპირველი)
ფოტო- ზაზა სვანაძე
კომენტარები