ჟურნალისტი ირაკლი ტაბლიაშვილი:
„პასუხი ირაკლი ღარიბაშვილს,
უკრაინაში! უკრაინისა და საქართველოს თავისუფლებისათვის იბრძვიან არა საწყალი, არამედ, ღირსეული ქართველები! საწყლები, თუნდაც საწ-ისა და ბი-ს გარეშე, მოიკითხეთ თქვენსკენ!
უკრაინაში იბრძვის დაახლოებით 1500 ან მეტი ქართველი! თქვენს ენას ძვალი არც ისე ჰქონდა და არც ასე აქვს, მაგრამ, ვინმემ უნდა მოგახალოთ სიმართლე – ზრდასრულებს ვერავინ ძალით ვერ წაიყვანს ომში! თავისით მიდიან!
თქვენ შეიძლება ისიც გაბედოთ და თქვათ, რომ ქართველ ჯარისკაცებს ფულს უხდიან! საწყლები ხართ მართლა!
საბოლოოდ, ისიც მაგრად “გვეკიდა”, გამოაცხადებდით თუ არა გლოვის დღეს! რომ გექნათ ასე, რა შეიცვლებოდა? მონები აღარ იქნებოდით? (მეც შევცდი, როცა მოგიწოდეთ).
თქვენ ახლა გრძნობთ თავს მყარად და ძლიერად! ქვეყანა მეტადაც რომ ჩააბაროთ მტერს, ისტორიის ალიყური მაინც მოგხვდებათ!
დიდი დრო არაა დარჩენილი იმ დღემდე, როცა კოლაბორაციონიზმში ოფიციალურად გამხელთ! დაეწყობით მერე და ერთმანეთისკენ გაიშვერთ ხელს.
მანამდე, თბილისის ნაძვის ხესთან, სადაც გაცილებით მეტი რუსი იქნება, ვიდრე ქართველი! შეგიძლიათ იმღეროთ – Я другой такой страны не знаю…“
კომენტარები