სამხრეთ კორეის ქალაქ ბუჩონში, სასტუმროში გაჩენილი ხანძრის შედეგად, 7 ადამიანი დაიღუპა და ათეულობით დაშავდა.
გავრცელებული ინფორმაციით, ორი ადამიანი იმ დროს დაიღუპა, როდესაც ისინი სახანძრო სამსახურის მიერ მიწოდებული საჰაერო ლეიბით ფანჯრებიდან გადმოხტნენ. ხანძარი, სავარაუდოდ, ელექტროტექნიკამ გამოიწვია.
„ხანძარი მთელ შენობაში არ გავრცელებულა, თუმცა ზარალი დიდია, რადგან ოთახები წყალგამშხეფებით არ იყო აღჭურვილი. ასევე ვიძიებთ, იყო თუ არა ხანძრის მიზეზი სასტუმროს მენეჯერების დაუდევრობა,“ – განაცხადა პოლიციამ.
დაშავებულები, მძიმე დაზიანებებით, საავადმყოფოში მკურნალობენ.
ცხრასართულიანი სასტუმრო 2003 წელს აშენდა – მანამ, სანამ შენობებში წყალგამშხეფების [შენობის ავტომატური ხანძარსაწინააღმდეგო სისტემის წყლის გამფრქვევი მოწყობილობა] დამონტაჟება კანონით სავალდებულო გახდებოდა.
კომენტარები