“სასწრაფოდ დაუფარეთ კლინიკებს 4-5 თვიანი დავალიანება – ომში ვართ, ხალხნო!”

საქართველოს ინტერვენციონალისტ კარდიოლოგთა ასოციაციის პრეზიდენტი შალვა რცხილაძე სოციალურ ქსელში წერს:

“ბოლო დღეებში რამდენიმე საავადმყოფოში სტუმრობა მომიწია. მიუხედავად იმისა, რომ მე თვითონ კლინიკაში ვმუშაობ მსგავს კატასტროფას არ მოველოდი! ჰოსპიტალური სექტორი უბსკრულშია! სწორედ ეს არის ფორსმაჟორი – ქვეყანა არის ბიოლოგიური ომის მდგომარეობაში; ამ საგანგებო მდგომარეობიდან გამომდინარე, და აგრეთვე ვინაიდან ამ ომის გადატანა ძირითადად კლინიკებს უწევთ

სასწრაფოდ უნდა გატარდეს შემდეგი ღონისძიებები:

ა) სასწრაფოდ! კლინიკებს უნდა დაუფარონ არსებული 4-5 თვიანი დავალიანება;

ბ) მიმდინარე დავალიანებების დაფარვა უნდა მოხდეს მაქსიმუმ 1 თვიანი დაყოვნებით;

გ) მინიმუმ 6 თვით გაიყინოს საბანკო კრედიტების მომსახურეობა;

დ) ასევე 6 თვით განახევრდეს კომუნალური გადასახადები კლინიკებისათვის;

და რაც მთავარია, შეიქმნას ზეპარტიული კომისია რომელიც იქნება პასუხისმგებელი პანდემიის მართვაზე!

ხალხნო ომში ვართ! რეალურ ბიოლოგიურ ომში!”