“სასტიკი წამებით მოკლული ტატუნაშვილი დღეს 37 წლის გახდებოდა”

ჟურნალისტი ქეთევან ქარდავა, სოციალურ ქსელში წერს:

“დღეს სასტიკი წამებით ცხინვალში მოკლული არჩილ ტატუნაშვილის დაბადების დღეა. ქართველი სამხედრო 37 წლის გახდებოდა.

დიდება გმირებს და სამუდამო ხსოვნა მათ. მართლმსაჯულება უნდა აღსრულდეს და არჩილის მკვლელებმა პასუხი უნდა აგონ.

არჩილის დედამ ერთ-ერთ ინტერვიუში მითხრა, რომ გმირის დედობა მისთვის საამაყოა. ,,ჩემი შვილი სიცოცხლეშიც გმირი იყო ჩემთვის. მან თავი გაწირა სამშობლოსთვის და მეგობრებისთვის. არ გათელა ის დროშა, რომელიც მთელი ცხოვრება თავთან ეკიდა. ჩემი შვილი დროშაზე და ჯვარზე ფეხით არ შედგებოდა. მან თავი ანაცვალა ყველაფერს. ღირსეულად მოიხადა თავისი კაცური ვალი სამშობლოს წინაშე. ერთი წელი გავიდა და მგონია, რომ ეს ყველაფერი გუშინ იყო. ეს ტრაგედია ჩვენთვის არასდროს დამთავრდება. ეს ჯოჯოხეთის ცეცხლი ჩვენთვის სულ ენთება”