თბილისის საქალაქო სასამართლოში ზვიად ცეცხლაძის, ვეფხვია კასრაძის, ნიკოლოზ ჯავახიშვილის, თორნიკე გოშაძის, ირაკლი მიმინოშვილის, ვასილ კაძელაშვილის, გიორგი გორგაძისა და ინსაფ ალიევის პროცესი დახურულ კარს მიღმა, ტელეკამერების გარეშე მიმდინარეობს.
ამ წუთებში ჰაბიდოსკოპიური ექსპერტი ეკატერინე ყუფარიძე იკითხება. ყუფარაძე ამბობს, რომ მას გამოძიების ფარგლებში დისკები გადასცეს, რათა კადრებში ასახული პირების იდენტიფიცირება მოეხდინა. მისივე თქმით, კადრებში იდენტიფიცირებულები იყვნენ ბრალდებულები ვეფხია კასრაძე და ვასილ კაძელაშვილი.
ცნობისთვის, დაკავებულებიდან სამს – ზვიად ცეცხლაძეს, ვეფხია კასრაძესა და ვასილ კაძელაშვილს ჯგუფური ძალადობის ორგანიზებასა და ხელმძღვანელობას ედავებიან. მათ 6-დან 9-წლამდე თავისუფლების აღკვეთა ემუქრებათ.
ბრალდებულებიდან ხუთს – გიორგი გორგაძეს, ირაკლი მიმინოშვილს, ინსაფ ალიევს, თორნიკე გოშაძეს და ნიკოლოზ ჯავახიშვილს ჯგუფურ ძალადობაში მონაწილეობას ედავებიან. მათ 4-დან 6-წლამდე თავისუფლების აღკვეთა ემუქრებათ.
კომენტარები