საქართველოს და პერუს უვიზო მიმოსვლა ექნებათ

საქართველომ და პერუს რესპუბლიკამ გააფორმეს შეთანხმება უვიზო მიმოსვლის შესახებ.

საქართველოს საგარეო საქმეთა სამინისტროს ინფორმაციით, დოკუმენტს 18 სექტემბერს ნიუ-იორკში მოაწერეს ხელი საქართველოს და პერუს საგარეო საქმეთა მინისტრებმა ილია დარჩიაშვილმა და ანა სესილია გერვასმა. მათი შეხვედრა გაეროს გენერალური ასამბლეის 78-ე სესიის ფარგლებში გაიმართა.

საქართველოს უვიზო მიმოსვლა აქვს მსოფლიოს 70-ზე მეტ ქვეყანასთან.

17-18 სექტემბერს საქართველოს საგარეო საქმეთა მინისტრი ნიუ-იორკში შეხვდა გერმანიის და რუმინეთის საგარეო საქმეთა მინისტრებსაც, ანალენა ბერბოკს და ლუმინიცა ოდობესკუს და ეუთოს გენერალურ მდივანს, ჰელგა შმიდტს.