„იაზროვნეთ და განსაჯეთ. 10 ოქტომბერს და მერე 11 ოქტომბერს რუსთავის ციხესთან მისულ ადამიანებს თავად ოპოზიცია მოუწოდებდა “ხელისუფლების არ გაღიზიანებისაკენ”ის ადამიანები რომ იქ დარჩენილიყვნენ, მაშინ ვერ მოხდებოდა ის სამარცხვინოება, რუსთავის ციხესთან, რაც მოხდა 16 ოქტომბერს.
ხელისუფლებას სჭირდებოდა დრო, რომ რუსთავის ციხესთან გაეკეთებინა ის, რაც გააკეთა. ეს დრო აჩუქეს და ოქროს ლარნაგით მიუტანეს ბიძინას. ნუთუ ამის არდანახვა შეიძლება? რა იყო მიზეზი, რომ ის ათიათასობით ადამიანი ციხისაკენ არ დაიძრა? კარვებით და რამდენიმედღიანი პროვიანტით იყო ხალხი თბილისში ჩამოსული და უკან გააბრუნეს. ნუთუ ვერ აანალიზებთ, თუ რატომ მოხდა ეს? ღმერთო ჩემი, როდის დამთავრდება ეს ზომბირება და გააზრებაზე უარის თქმა? ის, ვინც ბიძინას პერიოდში გამდიდრდა, არასოდეს მოისურვებს ბიძინას სისტემის დაშლას, მისი მიზანია ბიძინას რაც შეიძლება მეტი სალაფავი გამოსთხოვოს.
ამას ხომ უბრალოდ ადამიანური ლოგიკა ესაჭიროება. დღეს გადასარჩენია მხოლოდ ერთი ადამიანის სიცოცხლე, სხვა ყველაფერი ჯერჯერობით გადაურჩენელობის მიღმაა.
რაც შეეხება მეორე ტურს, მოგიწოდებთ, რომ ნუ აირჩევთ ქალაქ თბილისის მერს, მოგიწოდებთ გადახაზოთ ბიულეტენები და ამით დააკანონოთ თბილისის მერი უკანონობა. თუკი დიდი რაოდენობით იქნა ბათილი ბიულეტენი, მერის არჩევნები გამოცხადდება ბათილად.
აი ეს დიდი ძალა აქვს დღესაც თქვენს ხმას, თქვენს მისვლას საარჩევნო ყუთთან. მესმის, რომ ხალხი საკუთარ თავს ვერ გაუწევს ორგანიზებას და ვერ გამართავს მასობრივ დემონსტრაციებს ქუჩაში.
ამიტომაც, ერთადერთი გზა, რომ ყველამ დაინახოს, ქართველ ხალხს არ სურს ბიძინას სისტემა, ესაა უარის თქმა ბიძინას თამაშის წესებზე, მისვლა არჩევნებზე და ბიულეტენების გადახაზვა. ეს არის განაცხადი, ძალა, სტეიტმენტი და ესაა ხმა, რომელიც არ დაიკარგება.
მანამდე კი, ვთხოვ ყველას, მივმართოთ უკრაინის საელჩოებს და უკრაინელ ხელისუფალს, რომ მიშა საააკაშვილის სიცოცხლე იხსნას.
პრობლემა ისაა რომ, სულ ერთია როგორ დადებითადაც არ უნდა განვითარდეს სიტუაცია, საქართველომ მიშა სააკაშვილი უკვე გასწირა და ეს გაწირვის განაჩენი აღსრულდება თუ არა, ეს სხვა, სულ სხვა საქმეა.
ამიტომაც, სირცხვილი უკვე ნაჭამია და თუკი უკრაინელებს არ ვთხოვთ სააკაშვილის ფიზიკურ გადარჩენას, ეს გაცილებით უფრო დიდი სირცხვილი იქნება.
“სირცხვილი ჭამო”, ის კი არაა პრობლემა ამ სირცხვილის ჭამის არაღიარების გამო ამას კიდევ და კიდევ ამატო სირცხვილი სირცხვილზე, აი ესაა ტრაგედია. ვაღიაროთ, რომ შევრცხვით და ვთხოვოთ უკრაინელებს, შეგვიმსუბუქოს ეს გრძნობა. ჩვენთვის მაინც ვთხოვოთ. ყველამ“, – წერს სოციალურ ქსელში გერმანიაში მოღვაწე ქართველი ექიმი, იაგო ფრანგიშვილი.
კომენტარები