საქალაქო სასმართლოში დღეს დაკავებული ქტივისტების პროცესები ერთი-მეორეს მიყოლებით გაიმართება. სხდომის ჩანიშვნას ელოდება ტვ პირველის დაკავებული ჟურნალისტიც, რომელიც ამ დრომდე დიღმის წინასწარი დაკავების იზოლატორში იმყოფება.
გიორგი მამნიაშვილის ადვოკატი ამბობს, რომ საქმის მასალები მას ჯერ არ გადასცემია, თუმცა საკუთარი ძალებით უკვე მოაგროვა მტკიცებულებები, რომელიც მისი დაცვის ქვეშ მყოფის უდანაშაულობას ამტკიცებს.
ინტერესების დამცველის თქმით, მამნიაშვილი რუსთაველის გამზირზე პროფესიულ მოვალეობას ასრულებდა და არ იყო წარმოდგენილი როგორც აქციის მონაწილე, შესაბამისად, მისი დაკავება უკანონოდ მოხდა.
თითქმის 48 საათი გავა უკვე დღეს. ჯერჯერობით ჩენ არცერთი დოკუემნტი, არცერთი ფურცელი არ გადმოგვცემია იმისთვის, რომ მინიმუმ, ვიცოდეთ, რას ედავებიან ადამიანს, რა არის ფაქტობრივი გარემოებები ან ვინ არიან მოწმეები, რომლებმაც შეიძლება, რაიმე სახის უკანონო მოქმედება დაადასტურონ, თუმცა, ამის მიუხედავად ჩვენ, დამოუკიდებლად, ჩვენი ვარაუდის მიხედვით რა შეიძლება, იყოს სადავო, ამასთან დაკავშირებით სხვადასხვა მტკიცებულება მოვაგროვეთ. მათ შორის ცნობები, მათ შორის მოწმეები, ვიდეოჩანაწერები, სქრინები, რომელიც ადასტურებს, რომ გიორგი ასრულებდა პროფესიულ მოვალეობას, გიორგი იყო აქციაზე არა როგორც აქტივისტი, არამედ ჟურნალისტი და დაკავების მომენტში მას უკანონო არაფერი განუხოციელებია გარდა იმისა, რომ თავად უკანონოდ მოექცა სამართალდამაცვი, რომელმაც დაკავების პროცესში, როცა სხვას აკავებდნენ, გიორგი იღებდა და სამართალდამცავი ეუბნებოდა, რომ აი, ესეც მიაყოლეთ, ესეც დააკავეთ და ისიც აღმოჩნდა უცებ პოლიციის მანქანაში, – ამბობს ტვ პირველის იურისტი თორნიკე მიგინეიშვილი.
რაც შეეხება დაკავებულ აქტივისტებს, საქალაქო სასამართლოში დღეს მათაც მოიყვანენ, მათ შორის, ქალებს, რომლებსაც, ადვოკაატების თქმით, დაზიანებები აღენიშნებათ. ინტერესების დამცველები ამბობენ, რომ აღნიშნული დაზიანებები აქტივისტებს სწორედ სამართალდამცველებმა მიაყენეს დაკავების მომენტში.
ინტერესების დამცველი ბორის ჩელე ყურუა ყურადღებას ლიდა ცომაიას დაკავებაზე ამახვილებს. მისი თქმით, ცომაია სხვა აქტივისტში აერიათ და მასზე სიტყვიერი და ფიზიკური შეურაცხყოფა განხორციელდა.
მე მოვინახულე ოთო ირემაძე, მირცხულავა, ჭოხონელიძე და ლიდა ცომაია. ბიჭები შედარებით კარგად არიან, რაც შეეხება ლიდა ცომაიას, ის აერიათ და სხვა ადამიანის ნაცვლად დააკავეს და დაკავების დროს მიაყენებს ფიზიკური და სიტყვიერი შეურაცხყოფა, რა დასტურდება ასევე სამედიცინო დასკვნით. აჩვენებდნენ სხვის დაწერილ ფბ პოსტს და ეუბნებოდნენ, ეს რამ დაგაწერინაო. თან ემუქრებოდნენ და სიტყვიერ შეურაცხყოფას აყენებდნენ. გუშინ უკვე დააკავეს ადამიანი, რომელშიც გუშინწინ ლიდა ცომაია აერიათ. სახალხო დამცველმა მინიმუმ მა უნდა ამოიღოს და ყურადღება უნდა მიაქციოს ღირსების შემლახავ და არაადამიანური მოპყრობის ფაქტებს, რასაც ამ შემთხვევაში ვხედავთ აქტივისტეიბს მისამართით, როცა აქტივისტების ტროტუარიდან აკავებენ და არავინ მომკითხავი არ არის სახელმწიფოს მხრიდან. ლიდა ცომაიას აქვს დაბეჟილობები, რაც დაადასტურა კიდეც სამედიცინო ექსპერტიზამ, – ამბობს ბორის ჩელე ყურუა.
არ არის გამორიცხული, დღესვე გაიმართოს გუშინ დაკავებული ია მელითაურის პროცესიც. მელითაური გუშინ რუსთაველის გამზირზე იმ დროს დააკავეს, როცა ის სკამზე იჯდა. ადვოკატის თქმით, აქტივისტს პოლიციამ სიტყვიერი შეურაცხყოფაც მიაყენა.
კომენტარები