საქალაქო სასამართლოში ამ წუთებში “მთავარი არხის” გენერალური დირექტორის, ნიკა გვარამიას საქმეზე კომუნიკაციების კომისიის თავმჯდომარეს კახა ბექაური იკითხება. მის მიერ შედგენილი დოკუმენტი, კერძოდ 2012-2017 წლების სარეკლამო ბაზრის კვლევა, პროკურატურის საბრალდებო დასკვნაშია ნახსენები. კახა ბექაური მოწმეთა სიაში დაცვის მხარემ ჩასვა, რადგან ის არის პირი, ვინც 2018-19 წლებში სარეკლამო ანალიზი გააკეთა. გამოძიებას მასთან კითხვები აქვს, ნახა თუ არა მარეგულირებელმა კომისიამ დარღვევები იმ პერიოდში ტელეკომპანიის საქმიანობაში.
“კომუნიკაციების კომისიას აქვს შესწავლილი სატელევიზიო-სარეკლამო ბაზარი და გამოქვეყნებული აქვს ანგარიში, რომლის ფარგლებშიც და რომლის ირგვლივაც მოხდება კახა ბექაურისთვის კითხვების დასმა. ისევე, როგორც აქამდე დაკითხულ ყველა მოწმის შემთხვევაში, არათუ ბრალდების დამადასტურებელი ინფორმაცია იქნა გაჟღერებული სასმართლოში, არამედ პირიქით, დასტურდებოდა, რომ სრულიად აბსურდული ბრალი აქვს წარდგენილი ნიკა გვარამიას და მხოლოდ და მხოლოდ პოლიტიკური მოტივაციით ხდება მისი დევნა, დღევანდელი პროცესითაც გამოიკვეთება ეს გარემოება”, – თქვა ადვოკატმა, დიმიტრი საძაგლიშვილმა.
ნიკა გვარამიას პროკურატურა ,,რუსთავის 2″-ის თანხების მითვისებას ედავება. სასამართლო პროცესი 2 წელზე მეტია, რაც მიმდინარეობს.
კომენტარები