გელა ხასაია კიდევ ერთი სასამართლო პროცესის მოლოდინში – კოალიცია “ცვლილებისთვის“ დაპატიმრებული წევრის საქმისს განხილვა რამდენიმე საათში უნდა დაიწყოს.
მას გლდანის ციხიდან საქალაქო სასამართლოში სავარაუდოდ, 16 : 30 წუთზე მიიყვანენ.
დიდი ალბათობით დღევანდელი პროცესიც პროკურატურის მოწმეების გამოკითხვით გაგრძელდება. ხასაიამ წინა პროცესი პროტესტის ნიშნად დატოვა. ჯერჯერობით უცნობია, დაესწრება თუ არა დღეს ის სხდომას.
ცნობისთვის, პროკურატურა გელა ხასაიას ედავება, რომ მან 1-ელ სექტემბერს, თბილისში, თამარ მეფის გამზირის მიმდებარე ტერიტორიაზე ვასილ ქერდიყოშვილთან ერთად, ჯგუფურად ჯანმრთელობის განზრახ დაზიანება მიაყენა დაზარალებულს – რამაზ ჩადუნელს.
სამართალდამცველებმა ბრალდებულები 29 სექტემბერს დააკავეს. მათ ბრალდება საქართველოს სისხლის სამართლის კოდექსის 118-ე მუხლის მეორე ნაწილით (ჯანმრთელობის განზრახ ნაკლებად მძიმე დაზიანება, ჩადენილი ჯგუფურად) წარედგინა, რაც სასჯელის სახედ და ზომად 4-დან 6 წლამდე თავისუფლების აღკვეთას ითვალისწინებს.
კომენტარები