თბილისის საქალაქო სასამართლომ 4 ოქტომბრის აქციის საქმეზე დაკავებულ ათ პირს – გენადი კელიხაშვილს, დათო ღურწკაიას, რამაზ ჯორბენაძეს, ჯანდრი თირქიას, გია თოლორაიას, გური ჟვანიას, კახაბერ კვაჭანტირაძეს, სიმონ მახარაძეს, ავთანდილ თოფჩიშვილსა და მიხეილ თოლორაიას პატიმრობა შეუფარდა. მოსამართლე ლელა კალიჩენკომ სრულად დააკმაყოფილა ბრალდების მხარის შუამდგომლობა.
დაკავებულთაგან რვა პირი დუმილის უფლებას იყენებს, ხოლო დათო ღურწკაია და კახაბერ კვაჭანტირაძე ბრალდებას კატეგორიულად არ ეთანხმებიან.
პროკურორმა ნუგზარ ჭიტაძემ განაცხადა, რომ ბრალდებულების გათავისუფლების შემთხვევაში არსებობს მიმალვის, ახალი დანაშაულის ჩადენისა და მტკიცებულებებზე ზემოქმედების საფრთხე. მტკიცებულებად მან ვიდეოჩანაწერები მოიყვანა.
დაცვის მხარე პროკურატურის პოზიციას არ ეთანხმება და დაკავებულთა გათავისუფლებას ან გირაოს გამოყენებას ითხოვდა.
პროკურატურის განცხადებით, ათივე პირს ედება ბრალად სტრატეგიული ობიექტის ჯგუფურად ხელში ჩაგდების მცდელობა, ასევე ჯგუფური ძალადობის ორგანიზება და მონაწილეობა 4 ოქტომბრის აქციის დროს.
კომენტარები