საფრანგეთში სექტემბრიდან კორონავირუსის საწინააღმდეგო ვაქცინის მესამე დოზას 65 წელს გადაცილებული პირები და მოხუცთა თავშესაფრების ბენეფიციარები მიღებენ. ამის შესახებ ქვეყნის პრემიერ-მინისტრმა, ჟან კასტექსმა განაცხადა. ინფორმაციას AP ავრცელებს.
კასტექსის თქმით, ე.წ. ბუსტერული დოზა აუცილებელია, რადგან ვაქცინის ეფექტურობა, დროთა განმავლობაში, მცირდება.
მისი თქმით, ადამიანებს, რომლებიც მესამე დოზის ასაკობრივ ჯგუფში შედიან, ვიზიტის დაჯავშნა უკვე შეუძლიათ.
საფრანგეთის ჯანდაცვის ორგანომ (HAS) კომპანიების Pfizer და Moderna ვაქცინების მესამე დოზით აცრის რეკომენდაცია 65 წელს გადაცილებული პირებისთვის ამ კვირაში გასცა. ამასთან, მათ, ვინც Johnson & Johnson-ის ვაქცინა აქვს გაკეთებული, სულ მცირე 4 კვირაში Pfizer-ისა ან Moderna-ს პრეპარატით აცრასაც ურჩევენ.
კომენტარები