საფრანგეთის ფინანსთა და ეკონომიკის მინისტრმა ბრუნო ლე მაირმა განაცხადა, რომ მისი ქვეყანა „მზადაა უფრო წინ წავიდეს“ და რუსეთის წინააღმდეგ სანქციები გაამკაცროს. ამის შესახებ მან CNN-თან ინტერვიუში განაცხადა.
„საფრანგეთი მზადაა, „წინ წავიდეს“ და აკრძალოს რუსული ნავთობი“ – საფრანგეთის ეკონომიკის მინისტრი
საფრანგეთის ფინანსთა და ეკონომიკის მინისტრმა ბრუნო ლე მაირმა განაცხადა, რომ მისი ქვეყანა „მზადაა უფრო წინ წავიდეს“ და რუსეთის წინააღმდეგ სანქციები გაამკაცროს. ამის შესახებ მან CNN-თან ინტერვიუში განაცხადა.
„საფრანგეთთან დაკავშირებით, ჩვენ მზად ვართ, წინ წავიდეთ და გადავწყვიტოთ ნავთობის აკრძალვის შესახებ და ღრმად ვარ დარწმუნებული, რომ შემდეგი ნაბიჯები და შემდგომი დისკუსიები ამ საკითხზე იქნება ფოკუსირებული“, – აღნიშნა ლე მაირმა.
ლე მაირი, ასევე, გამოეხმაურა კრამატორსკში მატარებლის სადგურზე თავდასხმას, რომელსაც სულ მცირე 50 ადამიანი ემსხვერპლა. მინისტრმა ამ ფაქტს „ხოცვა“ უწოდა და დამნაშავეების იდენტიფიცირებისა და პასუხისგებაში მიცემაზე ისაუბრა.
მან აღნიშნა, რომ საფრანგეთის უარი რუსულ ნავთობზე „თამაშის შეცვლაა“, მაგრამ დასძინა, რომ საჭიროა ევროპის ერთიანობა რუსეთის ენერგეტიკულ სექტორზე კიდევ უფრო მკაცრი სანქციების დაწესებისთვის.
მინისტრის თქმით, უკვე დაწესებული სანქციები, რომელზედაც ევროკავშირი შეთანხმდა, იყო ძალიან ეფექტური და „ყველაზე მძიმე ევროკავშირის შექმნის შემდეგ“.
კომენტარები