საფრანგეთში მხოვრები ჟურნალისტი, გიორგი ფოფხაძე, სააგენტო genews.eu-ის საშუალებით, ახალ ინფორმაციას ავრცელებს:
საფრანგეთის მთავრობის გადაწყვეტილებით 31 იანვრის 00:00 საათიდან არა ევროკავშირის წევრი ქვეყნების მოქალაქეები საფრანგეთის ტერიტორიაზე ვეღარ შემოვლენ, გარდა იმ შემთხვევებისა, როდესაც მათი ვიზიტი საქმიანი აუცილებლობთ ან სამსახურებრივი მოვალეობითაა განსაზღვრული. ამასთანავე ევროკავშირის წევრი ქვეყნების მოქალაქეებს საფრანგეთში შემოსვლისას აუცილებლად უნდა ჰქონდეთ ბოლო 72 საათში გაკეთებული პისიარ ტესტი, უარყოფითი პასუხით.
რაც შეეხება საფრანგეთის მოქალაქეებს მათაც ეკრძალებათ ტურისტულად არა ევროკავშირის ქვეყნებში მოგზაურობა, ხოლო ევროკავშირის შიგნით მგზავრობისას საზღვარზე წარადგენენ პისიარ ტესტს. პისიარ კონტროლისგან თავისუფლდებიან სასაზღვრო ზონაში მცხოვრები მოქალაქეები რომელბიც მეზობელ ქვეყანაში მუშაობენ- ამის შესახებ განაცხადა საფრანგეთის პრემიერ მინისტრმა ჟან კასტექსმა საფრანგეთის ტელევზიით გამოსვლისას.
როგორც პრემიერმა აღნიშნა, მიუხედავად იმისა რომ, საფრანგეთის სამედიცინი სისტემა ეფექტურად უმკლავდება პანდემიას, ასეთი მკაცრი ზომების მიღება ახალი, მუტაციური შტამების (ბრიტანული და სამხრეთაფრიკული) თავიდან აცილების მიზნითაა განპირობებული.
ამასთანავე მკაცრდება სუპერმარკეტების, დიდი მოლების და სავაჭრო ცენტრების მუშაობის პირობები.
ყველა სავაჭრო ცენტრი რომელთა საერთო ფართობი 20 ათას კვადრატულ მეტრს აღემატება და კვების პროდუქტებით არ ვაჭრობენ, ორშაბათიდან შეაჩერებს მუშაობას. დანარჩენ მაღაზიებში შემოვა მომსახურე პერსონალის და მყიდველების მაღაზიაში ერთდროულად ყოფნის კვოტები.
ჟან კასტეკსმა ასევე მოუწოდა ბიზნესის ყველა სფეროს წარმომადგენლებს, მაქსიმალურად გადაიყვანონ თანამშრომლები დისტანციურად მუშაობის რეჟიმზე, თუ ამის შესაძლებლობა არსებობს.
გამკაცრდება ასევე, კომენდანტის საათის დაცვის კონტროლი და გაიზრდება დარღვევისათვის დაწესებული ჯარიმების თანხა.
რამდენ ხანს გაგრძელდება ასეთი გამკაცრებული სანიტარული რეჟიმი, საფრანგეთის პრემიერ მინისტრს არ დაუკონკრეტებია.
კომენტარები