“საომარი ოპერაციები აჭვიანებს, ეს საქართველოს პრემიერია” – რას ამბობს რუსი წამყვანი ღარიბაშვილზე

რუსეთის საზოგადოებრივი მაუწებლის პროგრამის “ვრემია პაკაჟეტ” ერთ-ერთი წამყვანი, არტიომ შეინინი საქართველოს პრემიერ-მინისტრის, ირაკლი ღარიბაშვილის განცხადებას გამოეხმაურა და თქვა:

“მაინც რა კარგად მუშაობს “მშვიდობის იძულებისკენ” მიმართული წერტილოვანი სამხედრო ოპერაციები, როგორ უსუფთავებს ადამიანებს ტვინს, ისტორიულად. აი, ნახეთ – საქართველოში ჩატარდა “მშვიდობის იძულებისკენ” მიმართული ოპერაცია, იმ ქვეყანაში, რომელიც მანამდე გაიძახოდა ნატო-შმატოო. იცით, ახლა, ერთ-ერთი ქვეყნის პრემიერ მინისტრმა იმის შესახებ განაცხადა, რომ მისი ქვეყანა არ შეუერთდება რუსეთისთვის დაწესებულ ფინანსურ-ეკონომიკურ სანქციებს. როგორ ფიქრობთ, რომელი ქვეყნის პრემიერზე მაქვს საუბარი? – ეს საქართველოს პრემიერ-მინისტრია, ღარიბაშვილი. ანუ, სპეციალური, წერტილოვანი საომარი ოპერაციები 14 წლის შემდეგაც მუშაობს ადამიანებზე, რომლებსაც საბოლოოდ, პასუხისმგებლობის განცდა უჩნდებათ საკუთარი ხალხის და ეკონომიკის წინაშე. ასე რომ, საომარი ოპერაციები ადამიანებს აჭკვიანებს”