საოკუპაციო რეჟიმი “ქართულ ოცნებას” ჩორჩანას საგუშაგოს გაუქმებას ოფიციალურად სთხოვს. საკითხი დღის წესრიგში, სავარაუდოდ, ცხინვალის დეფაქტო ხელისუფლებამ მას შემდეგ დააყენა, რაც ივანიშვილის პარტიამ ამ საქმეზე ბრალდება ექსპრემიერს წარუდგინა.
ამ წუთებში ერგნეთში ინციდენტების პრევენციისა და მათზე რეაგირების მქანიზმის ფარგლებში შეხვედრა იწყება, სადაც დე ფაქტო რეჟიმი ქართულ მხარესთან ამ საკითხს დააყენებს. ინფორმაციას ამის შესახებ თავად ცხინვალი ე.წ. ხელისუფლება ადასტურებს. შეხვედრას ასევე დაესწრებიან ევროკავშირის წარმომადგენლებიც.
სუსის ანალიტიკური სამსახურის ხელმძღვანელი, ირაკლი ანთაძე აცხადებს, რომ ჩორჩანას საგუშაგოს გაუქმების საკითხი დე ფაქტოს ცხინვალს არაერთხელ დაუყენებია, თუმცა ქართული მხარის პოზიცია არის უცვლელი. მისი თქმით, საგუშაგო დგას საქართველოს კონტროლირებად ტერიტორიაზე და შესაბამისად, მისი გაუქმების ან აღების საკითხი სუსის დღის წესრიგში არ დგას.
ამასთან, სუსის წარმომადგენელი ამბობს, რომ მთავარი განსახილველი საკითხი შეხვედრაზე უკანონო პატიმრობაში მყოფი საქართველოს მოქალაქეები და ასევე უკანონო ბორდერიზაცია იქნება.
მათავარ განსახილველ საკითხს ამ შეხვედრაზე წარმოადგენს უკანონო პატიმრობაში მყოფი ჩვენი თანამოქალაქეების გათავისუფლების საკითხი. დღეის მდგომარეობით უკანონო პატიმრობაში იმყოფება 10 პირი. გარდა ამისა, ვისაუბრებთ შეხვედრებს შორის პერიოდში დაფიქსირებულ უკანონო ბორედირიზაციის ფაქტებზე და ასევე ყველა იმ მნიშნელოვან ინციდენტზე, რასაც ადგილი ჰქონდა შეხვედრებს შორის პერიოდში.
უკანონო ბორდერიზაციის 13 ფაქტი დაფიქსირდა. ცენტრალურმა ხელისუფლებამ არაერთგიზ დააფიქსირა საკუთარი პოზიცია პოლიციის სტაციონარულ საგუშაგოსთან დაკავშირებით. ეს პოზიცია უცვლელია. აღნიშნული სტაციონარული პოსტი განთავსებულია ცენტრალური ხელისუფლების მიერ კონტროლირებად ტერიტორიაზე, მასზე იმყოფებიან პოლიციელები სტანდარტული საპოლიციოა აღჭურვილობით. წარმოუდგენელია იმის მტკიცება, რომ თუნდაც თეორიულად, შეიძლება, ეს პოსტი ვინმესთვის საფრთხეს წარმოადგენდეს, – ამბობს ირაკლი ანთაძე.
კომენტარები