ოპეკის ქვეყნების და რუსეთის წარმომადგენელთა ვიდეოკონფერენცია შედგა, რომელიც ნავთობის მოპოვების შემცირების საკითხს მიეძღვნა.ამ გაჭიანურებული კამათის ძირითადი მონაწილეები არიან რუსეთი და საუდის არაბეთი – სწორედ მათმა შეუთანხმებლობამ გამოიწვია მარტში ნავთობმოპოვებაზე ყოველგვარი შეზღუდვების მოხსნა და შესაბამისად, შავი ოქროს უპრეცედენტო გაიაფება.
სწორედ ამ ქვეყნების შეთანხმებაზე იყო დამოკიდებული ნავთობ ინდუსტრიის ბედი უახლოეს კვირებსა და თვეებში, თუმცა, პრობლემა გაჩნდა იქიდან, საიდანაც არავინ ელოდა – 9 აპრილს შეთანხება ჩაშალა ქვეყანამ, რომელიც არავის ახსოვდა – მექსიკამ.
დაძაბული 9-საათიანი მოლაპარაკებების დროს მოხერხდა შეთანხმების მიღწევა ოპეკ-ის წევრ ქვეყნებს და რუსეთს შორის – მაის-ივნისში მოპოვება შემცირდება დღე-ღამეში 10 მლნ. ბარელით, 1 ივლისიდან 8 მლნ-ით., ხოლო მთელი 2021 წლის იანვრიდან 2020 წლის აპრილამდე – მლნ-ით.
გარიგება ყველა ქვეყნისთვის მისაღები აღმოჩნდა მექსიკის გარდა, რომელმაც უარი განაცხადა საკუთარი ნავთობმოპოვების დღე-ღამეში 400 000 ბარელით შემცირებაზე.
ქვეყნის ენერგეტიკის მინისტრი როსიო გარსია თანხმდებოდა მხოლოდ 100 000-ზე, რაც დანარჩენი ქვეყნებისთვის მიუღებელi იყო. შედეგად, მექსიკის წარმომადგენელმა ვიდეოკონფერენცია დატოვა.მოლაპარაკებები 10 აპრილს,დღეს გაგრძელდება.
მიღწეული შეთანხმება ითვალისწინებს სხვადასხვა ქვეყნების მიერ ნავთობმოპოვების შემცირებას სხვადასხვა მოცულობებით – რუსეთი და საუდის არაბეთი 2,5-2,5 მლნ. ბარელით დღე-ღამეში, ერაყი 1,0-6 მლნ.-ით, ემირატები – 700 000-ით.
ამავე დროს ოპეკი და რუსეთი იმედოვნებენ, რომ ნავთობმოპოვებას ასევე შეამცირებენ სხვა ქვეყნები – აშშ, კანადა, ბრაზილია, და ნორვეგია.
შტატები არ მონაწილეობენ ამ კონსულტაციებში, რადგანაც ქვეყნის ანტიმონოპოლური კანონმდებლობა კრძალავს ამგვარ გარიგებებს, თუმცა, ამერიკული ნავთობკომპანიები ვარაუდობენ, რომ უახლოეს 3 თვეში მოპოვება შტატებში დღეში 4 მლნ. ბარელით ბუნებრივად, საცავების გადავსების გამო შემცირდება. ამის შესახებ განაცხადა ტექასის შტატის ნავთობრეგულატორმა რაიან სიტონმა.
კომენტარები