ბოლო რამდენიმე კვირის განმავლობაში სამხრეთ სუდანის აღმოსავლეთ ნაწილში უცნობი დაავადების შედეგად 89 ადამიანი დაიღუპა. Report.ge-ს ცნობით, ინფორმაციას ადგილობრივი მედია ავრცელებს.
ჯანდაცვის მსოფლიო ორგანიზაციამ ჯონგლეის შტატში, რომელიც დაავადების ეპიცენტრი გახდა, საგანგებო კვლევითი სამუშაო ჯგუფი უკვე გაგზავნა.
სამხრეთ სუდანში მოქმედი საერთაშორისო ორგანიზაციების ცნობით, სულ მცირე, 89 ადამიანის გარდაცვალების მიზეზი ჯერჯერობით უცნობია. თავის მხრივ, ადგილობრივი ხელისუფლება იუწყება, რომ მრავალი დაავადების ბუნების დადგენა ჯერ ვერ ხერხდება. ინფიცირებულთა უმეტესობა ცხოვრობს იმ ადგილებში, რომლებიც 2021 წელს წყალდიდობით დაზარალდა. ეს ბოლო 60 წლის განმავლობაში ყველაზე საშინელი სტიქია იყო. პირველადი ვარაუდები, რომ შესაძლოა, ეს ქოლერა ყოფილიყო, შემოწმების შედეგად არ დადასტურდა.
კომენტარები