სამხრეთ აფრიკაში ავტობუსი 50 მეტრის სიმაღლის ხიდიდან ხევში გადავარდა, რის შედეგადაც 45 ადამიანი დაიღუპა. კატასტროფისას მხოლოდ 8 წლის გოგო გადარჩა, რომელიც კლინიკაშია გადაყვანილი.
ავტობუსი ლიმპოპოს პროვინციაში ბარიერს შეეჯახა და ხევში ჩავარდნის დროს ცეცხლი გაუჩნდა.
მგზავრები იყვნენ მომლოცველები, რომლებიც ბოტსვანის დედაქალაქ გაბორონედან სააღდგომო წირვაზე ქალაქ მორიაში მიემგზავრებოდნენ.
მაშველები ადგილზე მთელი დღის განმავლობაში მუშაობდნენ. სამხრეთ აფრიკის ტრანსპორტის მინისტრის თქმით, რომელიც ადგილზე მივიდა, კატასტროფის მიზეზების დასადგენად გამოძიებას ჩაატარებენ.
კომენტარები