„სამხარაძე, თუ შენი ღმერთი ბიძინაა, ჩვენი ღმერთი ქრისტეა“ – არქიმანდრიტი ილია თოლორაია

არქიმანდრიტი ილია თოლორაია „ოცნების“ დეპუტატს, დიტო სამხარაძეს პასუხობს, რომელმაც არქიმანდრიტ დოროთე ყურაშვილი შეურაცმყოფელი სიტყვებით მოიხსენია.

არქიმანდრიტი ხაზს უსვამს იმას, რომ “დღეს ორად არის გაყოფილი საზოგადოება, თუ ვინმემ ხელისუფლება და ბიძინა გააკრიტიკა, ის უკვე ანტიქრისტიანია, თუ ვინმემ შეაქო, მაშინ კიდევ ეკლესიური ხარ.“

დიმიტრი სამხარაძის წერილი მამა დოროთეზე ყველამ ნახა, ამ ლექსიკაში როგორ უნდა ამოვიკითხოთ, რომ ეს ადამიანი ქრისტიანია. დღეს ორად არის გაყოფილი საზოგადოება, თუ ვინმემ ხელისუფლება და ბიძინა გააკრიტიკა, ის უკვე ანტიქრისტიანია, თუ ვინმემ შეაქო, მაშინ კიდევ ეკლესიური ხარ. მე ერთ რამეს ვეტყოდი, სამხარაძე თუ შენი ღმერთი ბიძინაა, ჩვენი ღმერთი ქრისტეა. ასე რომ, ჩვენ არც შენი მუქარის შეგვეშინდება, და ამასთან, შენი წერილიდან გამომდინარე ჩანდა, ვინ ხარ შენ და როგორ გიყვარს ქრისტე. თქვენ გიყვართ ის მღვდლები, რომლებიც თქვენ გაქებენ, თქვენ არ გაინტერესებთ ღმერთს აქებს თუ არა, მთავარია, თქვენ გაქოთ, ასეთები არიან თქვენთვის ქრისტიანები, მაგრამ ის მღვდელი, რომლებისგანაც კრიტიკას ისმენთ, არა არიან თქვენთვის მოსაწონები. ჩვენ იმ გზაზე არ ვდგავართ, რომელზედაც თქვენ, ჩვენ ქრისტეს გზაზე ვდგავართ, სამართლიანობის და იმ გზაზე, რომელზედაც ამბროსი ხელაია იდგა, ჩემთვის სხვა გზა არ არსებობს და თუ მათთვის არსებობს, ეს მათი გზაა,-განაცხადა არქიმანდრიტმა გადაცემა “რეაქციაში“.