კომპოზიტორი, მაია კაჭკაჭიშვილი დათო ფორჩხიძისა და სოფო ბათილაშვილის გარშემო განვითარებულ მოვლენებს სოციალურ ქსელში ეხმაურება.
მისი თქმით, დარწმუნებულია, რომ დათო ფორჩხიძეს ცუდი არაფერი უთქვამს.
„სამი დღეა მინდა დაწერა მაგრამ თავს ვიკავებ (ჩემი მეორე მეგობრის გამო) ახლა იმ ეტაპზე ვარ რომ ჩემს შეცდომებს ვინანიებ და აღარ მინდოდა ვინმესთვის გული მეტკინა მაგრამ !!!!!!
ვეცდები ვიყო ლოიალური და მაინც დავაფიქსირო ჩემი აზრი ამის მერე თუ ვინმეს ეწყინება დაეეე ….
ვუსმინე დათო ფორჩხიძეს და გამომდინარე იქიდან რომ ძააალიან კარგად ვიცნობ მას, ზუსტად მივხვდი რომ ცუდი არანაირად არაფერი უთქვამს.
დაა მოდი ჯერ დათოს მეოთხედი გავაკეთოთ ამ ქვეყნისთვის და მერე კიბატონო”, – წერს მაიკო კაჭკაჭიშვილი.
ცნობისთვის, გადაცემაში ნოე სულაბერიძემ დათო ფორჩხიძეს სოფო ბათილაშვილის მისამართით კითხვა დაუსვა.
ნოე: შეაფასე ბათილაშვილზე რა მოხდა?
ფორჩხიძემ უპასუხა: „სოფო ბათილაშვილის შემთხვევაში ცუდი რამ მოხდა. მე მინდოდა ეგ ბავშვი ამეყვანა და ბლოკის ღილაკის თემა იყო. სტეფანემ დააჭირა. ძალიან ძნელი იყო მაგ ბავშვის მხარდაჭერა, რადგან თითქოს იქ მყოფი დარბაზი, ახლობლები და ნათესავები ამადლიდნენ: შენ ხომ უკვე მოიგე, ჩვენც გვაცადე, გეყოფა. თითქოს მისი ბრალი იყო, რომ ოდესღაც რაღაც მოიგო და წარმატებას მიაღწია.
ვხვდებოდი, რომ ბავშვი იჩაგრებოდა. არ ვამბობ, რომ მე მას აუცილებლად გავიყვანდი, მაგრამ შეიძლებოდა. ძნელი იქნებოდა, რადგან აგრესია მოდიოდა. არ მინდა ეწყინოს ახლა, ამას რომ ვამბობ, უბრალოდ თანავუგრძნობ, რა დააშავა”, – საუბრობს დათო ფორჩხიძე.
შეგახსენებთ, რომ სოფო ბათილაშვილი „ევროვიზიის” შესარჩევ კონკურსში „ვოისში” იღებდა მონაწილეობას. სოფო ერთ-ერთი მონაწილე იყო, რომელიც ოთხი მენტორიდან სოფო ტოროშელიძის გუნდში მოხვდა, თუმცა 12 იანვარს, როდესაც ეთერში სოფო ტოროშელიძის და სტეფანეს გუნდის წევრები გამოდიოდნენ, სოფომ მაყურებლისგან ხმათა საკმარისი რაოდენობა ვერ მიიღო, მისმა მენტორმა კი გუნდიდან სხვა წევრი, ლიკა სირაძე გადაარჩინა.
კომენტარები