,,ბოლოს როდესაც ვნახე ეგორი, მითხრა, რომ თუა შესაძლებელი სამარტოო საკანში გადასვლა. მე არ ვიცი, ეს რის გამო მთხოვა მან” – ეს გლდანის ციხეში გარდაცვლილი პატიმრის, ეგორ გრეგენკოს ბოლო თხოვნაა, რომელიც მან თავის უფლებადამცველს, ჯაბა კოჭლამაზაშვილს სთხოვა თუმცა, უფლებადამცველმა არ იცის რის გამო იყო განპირობებული მისი სურვილი.
გრეგენკოს ცხედარი, საკანში დღეს 24 ნოემბერს ბადრაგებმა იპოვეს თუმცა, გარდაცვალების მიზეზებზე ამ დროისთვის არავინ საუბრობს.
გარდაცვლილი უკრაინის მოქალაქის ადვოკატის განცხადებით, მას შემდეგ რაც მომხდარი გახმაურდა, მას სურდა ციხის ტერიტორიაზე შესულიყო, მაგრამ ამის საშუალება არ მიეცა.
,,მე დღეს მოვედი აქ ციხეში, ვნახე სულ სხვა პატიმარი. იქიდან გამოსულს მირეკავს სახელმწიფო დაცვის ინსპექტორის სამსახურიდან და მეუბნება, რომ თქვენი დაცვის ქვეშ მყოფი ეგორ გრეგორენკო გარდაიცვალა და მეკითხება ასეთ რაღაცას, პროზექტურიდან ვინ წაიყვანსო. მე ვითხოვე კატეგორიულად, რომ მოეცათ ჩემთვის ნება, შევსულიყავი და დავსწრებოდი დათვალიერებას. დიდი ჩხუბის შემდეგ, რომ ავუხსენი, რომ მაქვს ამის უფლება, მითხრა, რომ თუ შემოხვალ, მე დაგასწრებო. შემოვედი, ორდერი მაქვს და არ მიშვებენ შგნით, რაღაც შინაგანაწესიაო. იქ არის გარდაცვლილი, მე ვყავარ მარტო ამ პატიმარს, ადვოკატი, მეტი არავინ ჰყავს და არ მიშვებენ, რომ დავესწრო, ვნახო რა მდგომარეობაშია ახლა, – აცხადებს ჯაბა კოჭლამაზაშვილი.
საქმესთან დაკავშირებით მოკვლევა უკვე დაიწყო სახელმწიფო ინსპექტორის სამსახურმა.
წყარო: ნიუპოსტი
კომენტარები