ექიმი დერმატოლოგი ნატა კორსანტია სოციალურ ქსელში წერს:
„ქართული საზოგადოება, რომელიც გუშინ ექიმებს ტაშს უკრავდა, დღეს ხელს იშვერს და მორალს უკითხავს!
საზოგადოება, რომელიც თვითონ 100 კაციან სელფებს იღებს დენდროლოგიური პარკიდან, კილომეტრიან საცობებს ქმნის, და ღია ცის ქვეშ 50 ექიმის შეკრება უკვირს!
საზოგადოება, რომელიც ყოველდღე ლაივ ვიდეოებს დებს ბათუმის გადაჭედილი დახურული კლუბებიდან და ფანჩატურში კონფერენცია აწუხებს!
ქართული საზოგადოება, რომელმაც უნდა გადაუწყვიტოს ექიმს, სად იყოს, სად იმუშაოს, როგორ იმუშაოს, სად დაისვენოს, როგორ დაისვენოს, ან საერთოდ დაისვენოს კი?
საზოგადოება, რომელიც სალონში 100 ლარს ტოვებს, და ექიმთან 50 ლარის გადახდა არ უნდა! საზოგადოება, რომელიც თვითონ მშვენივრად ისვენებს გადაჭედილ სასტუმროებში, ბასეინების გარშემო ნებივრობს და ექიმებს დასცინის, გასარუჯად წავიდნენო!
საზოგადოება, რომელიც ვერ წავიდა „ევროპებში“, ვერ დაჩექინდა, ნიუზ ფიდსი გაუცარიელდა და მიზეზს ეძებს ცინიკური, მაგრამ აქტუალური პოსტი დადოს, მერე რა, რომ არც იცის რეალურად რა ხდება!
საზოგადოება, რომლისთვისაც 400 ექიმი უფრო შოკისმომგვრელად ჟღერს, ვიდრე რეალური 100!
საზოგადოება, რომელიც, ღმერთმა დაიფაროს, გაჭირვების დროს სწორედ იმ ექიმს მიადგება, რომელსაც დღეს ასე ლამაზად განიხილავს.
სურათზე ჩაქვის კონფერენცია, ბოდიში, 400 ექიმი ვერ ჩავტიე“
ნატა კორსანტია აქვეყნებს ფოტოს, სადაც ჩანს, რომ კონფერენცია პირბადის გარეშე ტარდება.
შეგახსენებთ, დღეს, ჯანდაცვის მინისტრმა განაცხადა, რომ მსგავსი ტიპის კონფერენციები ონლაინ უნდა ტარდებოდეს ექიმებმა მაგალითი უნდა მისცენ მოქალაქეებს, ამიტომ ქალბატონმა ნატამ ასეთივე წარმატებით შეიძლება ჯანდაცვის მინისტრსაც უპასუხოს წერილით და აუხსნას, რომ ოდესმე იქნება, ჯანდაცვის მინისტრსაც დასჭირდეს დერმატოლოგი.
კომენტარები