მოხარული ვარ, რომ არ ვარ პრემიერ-მინისტრის მდგომარეობაში და მის ადგილზე, რადგან საკმაოდ მძიმე გადაწყვეტილებაა მისაღები, – ამის შესახებ აშშ-ის მონტგომერის სახელობის ფედერალური კლინიკის ანესთეზიისა და ქირურგიის დეპარტამენტების დირექტორმა, მისისიპის უნივერსიტეტის პროფესორმა ზურაბ გურულმა საქართველოში ლოკდაუნის გამოცხადებაზე საუბრისას განაცხადა.
„ვიცი რომ არიან მკაცრი ჩაკეტვის მომხრეები და პირიქით, მოწინააღმდეგეები. საზოგადოება ორად არის გახლეჩილი და ეს მხოლოდ საქართველოში არ ხდება. მოსახლეობის 50 პროცენტი ფიქრობს, რომ ეს ვირუსი საშიში არ არის და უფრო საშიში ეკონომიკური კოლაფსი იქნება, ხოლო მეორე ნაწილი, რომელიც ეკონომიურად შედარებით უზრუნველყოფილია, ფიქრობს, რომ მთავარია ამ დაავადების აღკვეთა. აუცილებელია ორივე მხარე მივიდეს ერთმანეთთან, მოინახოს შეხების წერტილი, თორემ სხვანაირად პანდემიის დამარცხება შეუძლებელი იქნება”, – განაცხადა ზურაბ გურულმა “ტვ პირველთან”.
კომენტარები