სადამდე შეიძლება მიგვიყვანოს ნარცისიზმმა, საკუთარი შეცდომების არაღიარებამ… – ლევან ლორთქიფანიძე

პოლიტოლოგი, ლევან ლორთქიფანიძე, სოციალურ ქსელში, წერს:

“მთელი შობაა აშშ-ის მაგალითზე ვხედავთ, თუ სადამდე შეიძლება მიგვიყვანოს პოპულიზმმა, უსაზღვრო ნარცისიზმმა, საკუთარი შეცდომების, სისუსტეების, წარუმატებლობის არაღიარებამ, უკომპრომისობამ, საზოგადოების გამაერთიანებელი პრინციპებისა და ინსტიტუტებისთვის ძირის გამოთხრამ, ხალხის დაყოფამ!

შესანიშნავად შენიშნა გერმანიის სოციალ-დემოკრატმა საგარეო საქმეთა მინისტრმა ჰაიკო მაასმა: “დიახ, დემოკრატია არსებობს წინააღმდეგობებთან, კონფლიქტებთან ერთად, მომდინარეობს მათგან. მაგრამ ის იღუპება, როდესაც დაუნდობელი ძალადობა ხმას ართმევს, აჩუმებს სხვას; როდესაც ცხადი სიძულვილი გადალახავს ურთიერთპატივისცემისა და წესიერების საზღვრებს.”

უბრალოდ, აუცილებლად უნდა ვუპასუხოთ კითხვას – რატომ დგანან ადამიანები ზიზღისა და დაყოფის მხარეს? რა უბიძგებთ მათ ურთიერთპატივისცემისა და წესიერების საზღვრების გადალახვისკენ?

მხოლოდ ტრამპი თუ სოციალური უსამართლობა, სიღარიბე, უშანსო ცხოვრება, სტრუქტურული რასიზმი, თვითდესტრუქციული ყოველდღიურობა?”