“სად არის ნატო? აშშ? ევროკავშირი? ამ ყველაფრის თავიდან აცილება მათ უკვე დააგვიანეს” – გვარდიოლა უკრაინის მოვლენებზე

„მანჩესტერ სიტის“ მთავარი მწვრთნელი ხოსეპ გვარდიოლა რუსეთის მიერ უკრაინაში შეჭრის ფაქტს გმობს და აცხადებ, რომ 

“ეს რაც მოხდა, პოლიტიკის, ეკონომიკის, ყველას და ყველაფრის ფიასკოა.

როცა ასეთი რამე ხდება, დაგროვილი ზიზღი თაობებს გადაეცემა და ამ ზიზღის გაქრობას, შესაძლოა, საუკუნე დასჭირდეს.

უკრაინელი ხალხი არასოდეს დაივიწყებს, იმას, რაც მას გაუკეთეს.

შენთვის ხარ, შენ სახლში, სკოლში მიდიხარ, სადილობ, ვახშმობ და ერთი კაცის გადაწყვეტილების გამო მთელი ქვეყანა გენგრევა.

წარმოიდგინე, ეს რომ ჩვენს ქვეყნებში ხდებოდეს, შენთან პორტუგალიაში, ან ჩემთან კატალონიაში.

ვიღაც კაცი, რაღაცას გადაწყვეტს, თავს დაგესხმება და ოჯახის წევრებს, მეგობრებს მოგიკლავს.

ყველაფერს კარგავ და იძულებული ხარ, სხვა ქვეყანას შეფარო თავი.

არადა, ამაში არც მე ვარ დამნაშავე და არც შენ.

სად არის ნატო? სად არის აშშ? სად არის ევროკავშირი? ამ ყველაფრის თავიდან აცილება მათ უკვე დააგვიანეს.

ეს კაცობრიობის აბსოლუტური ფიასკოა, ყველა პოლიტიკური ინსტიტუციის ფიასკო.

პოლიტიკოსების ერთადერთი დანიშნულება ის არის, რომ ცოტათი უკეთ ვიცხოვროთ.

ბოლოს და ბოლოს ჩვენ ვმუშაობთ და გადასახადებს ვიხდით.

პოლიტიკოსებს მხოლოდ ის ევალებათ, რომ ასეთი რამე არ ხდებოდეს, მხოლოდ და მხოლოდ ეს, მხოლოდ და მხოლოდ!

ისინი ლუზერები არიან!”,- აცხადებს გვარდიოლა.