საქართველოს მესამე პრეზიდენტის ჯანმრთელობის მდგომარეობა სულ უფრო მძიმდება, ალტერნატიულ კონსილიუმს კი მიხეილ სააკაშვილთან შესვლის უფლებას ამ დრომდე არ აძლევენ.
როგორც ადვოკატმა, გიორგი გელხვაურმა რუსთავის ციხესთან განაცხადა, სააკაშვილის ანალიზებიც გაუარესებულია:
მიხეილ სააკაშვილის ჯანმრთელობის მდგომარეობა რომ უარესდება ეს ცხადზე ცხადია. მისი წონის კლებიდან გამომდინარე, ეს მარტივი შესამჩნევია. რაც შეეხება ალტერნატიულ კონსილიუმს, ვხედავთ, რომ სასჯელაღსრულების სამინისტრო არ აძლევს მათ სააკაშვილთან შესვლის უფლებას.
სააკაშვილი სასწრაფოდაა გადასაყვანი სამოქალაქო კლინიკაში, სადაც ის შეძლებს სრულფასოვანი სამედიცინო მომსახურების მიღებას. მისი ჯანმრთელობის მდგომარეობა ყოველ დღე შეიძლება დამძიმდეს, ეს უკვე ანალიზებმაც აჩვენა. მივმართავ ხელისუფლებას, სასჯელაღსრულების დაწესებულებას, იუსტიციის სამინისტროს რომ დაუყოვნებლივ მოახდინოს მიხეილ სააკაშვილის სამოქალაქო ჰოსპიტალში გადაყვანა”- განაცხადა ადვოკატმა.
კომენტარები