უფლებადამცველმა, შალვა ხაჭაპურიძემ მიხეილ სააკაშვილს კლინიკა “ვივამედში” ცენტრ “ემპათიას” მიერ მომზადებული სამედიცინო დასკვნა და ის დაავადებები გააცნო, რომელიც მას ექიმებმა დაუდგინეს.
როგორც ხაჭაპურიძემ ჟურნალისტებს განუცხადა, მიხეილ სააკაშვილს დაახლოებით 15 უმძიმესი დიაგნოზი აქვს. მისივე თქმით, ამ ეტაპზე, სააკაშვილს არ სურს დასკვნის და დაავადებებთან დაკავშირებით მისი პერსონალური ინფორმაციის გასაჯაროება.
რაც შეეხება, რატი ბრეგაძის განცხადებას, ხაჭაპურიძე ამბობს:
“რა უნდა ვუპასუხოთ ახლა მაგას, მაგის პასუხია სასამართლოს, სამედიცინო ექსპერტიზის დასკვნა, რომელიც დღეს უკვე გადმომეცა და უახლოს დღეებში გადავცემ სასამართლოს შუამავლობას, სასამართლო პროცესზე გაირკვევა ყველაფერი ერთხელ და სამუდამოდ.
რაც შეეხება თუ უტარდება ადეკვატური მკურნალობა, მაშინ ვერ გავიგე, რატო მთავაზობს იუსტიციის მინისტრი, ჩამოვიყვანოთ უცხოელი ექიმებიო, ორივე ერთმანეთის გამომრიცხავი პოზიციაა ერთ განცხადებაში.“
კომენტარები