„სააკაშვილის შიმშილობის მეორე ტალღას ან ძალიან სასაცილო, მისთვის სამარცხვინო დასასრული ექნება, ან გრანდიოზული პროვოკაციით დასრულდება“ – ლევან ლორთქიფანიძე

საქმე გვაქვს სასოწარკვეთილი ნარცისის მორიგ დადგმასთან… მომავალი რამდენიმე კვირის განმავლობაში მოგვიწევს დისკუსია შემდეგ თემებზე:

რა არის შიმშილი? ითვლება თუ არა #2683929101 პროტოკოლის მიხედვით პიურეს მიღება შიმშილად? მართლა შიმშილობს თუ არა სააკაშვილი? რომელ საავადმყოფოში გადაიყვანენ? რამდენი აქვს წნევა? მოიტაცებენ თუ არა ოსი სპეცრაზმელები მას? ბარამიძეს უფრო უყვარს თუ იასკოს? როდის შეჭამს პურის ყუას და ა.შ.

მოკლედ, არარსებული, თითიდან გამოწოვილი თემების საფუძველზე ატეხილი ხმაურის ატანისთვის მოემზადეთ !!!

ეს შეშლილი ვერ ხვდება, რომ:

1. ევროპის შუაგულში აგრესიული იმპერიისგან მომავალი საფრთხის, რუსეთის მიერ ომის დაწყების ალბათობის ფონზე კლოუნი არავის ახსოვს. წინა შიმშილობაზე არ ამოუღია არც ერთ სერიოზულ ძალას ხმა და ახლა მითუმეტეს არავინ მოიკლავს თავს.

2. პროტესტის უკიდურესი ფორმით გამოხატვის მცდელობას წარსულში თან ახლდა წინასაარჩევნო კამპანია, არჩევნების მეორე ტურში გამარჯვების მიზერული შანსი… დღეს არჩევნებთან დაკავშირებული ტემპერატურა არ გვაქვს და რევოლუციური დაპირებებისთვის ფუჭი ნიადაგიც კი არ არსებობს. (ბადრი ჯაფარიძის მაჟორიტარობაც ვერ უშველით).

3. შიმშილობა N1-ის დაწყების დროს ენმ შედარებით შეკრული გახლდათ. დღეს ყველა ერთმანეთს აბრალებს წარუმატებლობის უწყვეტ ციკლს, სააკაშვილის უპატრონოდ მიტოვებას, ენმ დაყოფილი და დაქსაქსულია.

4. ენმ-ის მხარდამჭერები, მიშისტებიც კი დაიღალნენ… ვერც არჩევნებით, ვერც ქუჩის აქციებით, ვერც პოლიციელთა მხრიდან დარბევებით, ვერც გაერთიანებული ოპოზიციის ყალბი ნიშნის გამოყენებით, ვერც შარლ მიშელის დოკუმენტზე ხელის არმოწერით, ვერც ნახსენებ დოკუმენტზე ხელმოწერით, ვერც პარლამენტის ბოიკოტით, ვერც პარლამენტში ორწლიანი დაგვიანების შემდეგ შესვლით, ვერ მიშას ჩამოსვლით, ვერც მისი შიმშილობით ვერაფერს ვერ მიაღწიეს. სააკაშვილის მორიგი შიმშილობა მათთვის დიდი ვერაფერი შვება ვერ იქნება.

სააკაშვილის შიმშილობის მეორე ტალღას ან ძალიან სასაცილო, მისთვის სამარცხვინო დასასრული ექნება, ან გრანდიოზული პროვოკაციით დასრულდება.

ახალი და სერიოზული პროგრამის შემუშავება, პარტიული სტრუქტურების მშენებლობა, საქმინი საპარლამენტო მუშაობა, 2024 წლისთვის მზადება, აგრესიული რიტორიკის შეცვლა, შაჰიდების უკან გადანაცვლება და მიშას გადააზრება იქნებოდა გამოსავალი, მაგრამ ეს არ შეუძლიათ … ეს რომ გააკეთონ, იდენტობას დაკარგავენ! ეს რომ გააკეთონ, ენმ აღარ იქნებიან“ – წერს ლორთქიფანიძე.