“ნაციონალური მოძრაობის” ლიდერი ნიკა მელია მიხეილ სააკაშვილის ჯანმრთელობის მდგომარეობის გაუარესებაზე პასუხისმგებლობას ბიძინა ივანიშვილს აკისრებს. ამის შესახებ მან რუსთავში, პენიტენციური სამსახურის მიმდებარედ მხარდამჭერთა შეკრებიდან განაცხადა.
“ძალიან მნიშვნელოვანია, რომ გაიგოს ბიძინა ივანიშვილმა, მთელი პასუხისმგებლობა მიხეილ სააკაშვილის ჯანმრთელობაზე ეკისრება ბიძინა ივანიშვილს. პირადად თქვენ. უნდა დაფიქრდეთ, რამდენად საშიშ ცეცხლს ეთამაშებით. გაითვალისწინეთ, 14 ოქტომბერს გაიმართება ძალიან მძლავრი აქცია მიხეილ სააკაშვილის გათავისუფლების მოთხოვნით და ყველაფერი უნდა იღონოთ ახლა, რომ თქვენ მიერვე დატუსაღებული მიხეილ სააკაშვილის ჯანმრთელობის მდგომარეობა არ გაუარესდეს.
თუკი წარმოგიდგენიათ, რა შეიძლება მოყვეს მიხეილ სააკაშვილის ჯანმრთელობის მდგომარეობის გაუარესებას“, – განაცხადა ნიკა მელიამ.
კომენტარები