„სააკაშვილის ერთგული ადამიანები ყველა იქნა ამოღებული სიიდან და მეც მიმაყოლეს“ -ქალი, რომელიც “ვივა-მედთან” ღამებს ათევს, ენმ-ს პოლიტსაბჭოდან გაუშვეს

ლევან ხაბეიშვილმა “ნაციონალური მოძრაობის” პოლიტსაბჭოდან გაუშვა ქალი, რომელიც დღეს და ღამეს მიხეილ სააკაშვილის მხარდსაჭერად “ვივა-მედთან” ატარებდა. ნიკა მელიას თანამოაზრე დარეჯან ცხვიტარია ამბობს, რომ პარტიის თავმჯდომარემ არალეგიტიმური და უსამართლო გადაწყვეტილება მიიღო.

მეც ალბათ პატივი მერგო, რომ ამომიღეს იმ სიიდან. მიხეილ სააკაშვილის ერთგული ადამიანები ყველა იქნა ამოღებული სიიდან და მეც მიმაყოლეს. რა თქმა უნდა, ჩემთვის ეს დიდი პატივია, მაგრამ რამდენად ლეგიტიმურია ეს საქციელი, რავიცი, ალბათ კანონიც განსჯის და ხალხმაც განსაჯოს. თითქმის 10 ათასმა ადამიანმა ლეგიტიმაცია მისცა პოლიტსაბჭოს და ჯერ კიდევ მარტის ბოლომდე ჰქონდა ვადა პოლიტსაბჭოს და ასეთი, უცებდ გადაწყვეტილი მიიღეს, რომ მიშას ერთგული ხალხი გამოუშვეს პოლიტსაბჭოდან და თავიანთი მეგობრებით შეავსეს პოლიტსაბჭო, ეს რამდენად სამართლიანია, ხალხმა შეაფასოს, – ამბობს ცხვიტარია.

ხაბეიშვილის ფლანგი კი თავის მართლების რეჟიმშია, თუმცა არჩეული თავმჯდომარის მომხრეებს  უჭირთ ახსნა,  რატომ არ მოახვედრეს პოლიტიკური გადაწყვეტილებების მიმღებ საბჭოში პარტიის სტაჟიანი წევრები.

ჩვენ სიიდან არ ამოგვიღია. ეს იყო ყრილობა, თავიდან ახალი პოლიტსაბჭო შეირჩა. ამ სიაში მოხვდნენ, მე როგორც მაქვს ინფორმაცია, კვოტირების წესით პარლამენტის წევრები ენმ-დან, უმაღლესი საბჭოს წევრები, აჭარის უმაღლესი საბჭოს წევრები ენმ-დან და ასევე იყო რამდენიმე ადამიანიცწარდგენილი გენმდივნის მიერ და ასევე, თავმჯდომარის მიერ. ჩვენ ყველა ვართ მიხეილ სააკაშვილის ერთგული ენმ-ს წევრები, – ამბობს დავით ხაჯიშვილი.

გიორგი ბოტკოველი კი ამბობს, რომ ნიკა მელიას პოლიტიკისგან განსხვავებით, არავის არავინ არსაიდან გაუგდია. ენმ-ს წევრის თქმით, არჩევნები დამთავრდა და ახალ პრინციპებს ყველა უნდა შეეგუოს.

არავის მათთვის არ უთქვამს, რომ ვინმე აქედან უნდა წასულიყო, მათგან განსხვავებით ოღონდ… ის, რომ ჩვენ მანამდე ვისმენდით მუდმივად, მაგალითად, ჩემზე ნიკა მელიას მხრიდან და სხვა ადამიანების მხრიდან, რომ ბოტკოველი უნდა გაეგდოთ აქედან. ჩასაფრებულის პოზიციიდან საუბრობენ. ყველა ეს ადამიანი უნდა საუბრობდეს პარტიის გაძლიერებაზე. ის, რომ არჩევნები დამთგავრდა, ეს ყველამ კარგად უნდა  შეიგნოს. თუ არჩევნებამდე ვინმე ვინმეს გუნდს წარმოადგენდა და იყოს მისი მხარდამჭერი, არჩევნები დამთვარდა, პარტიას ჰყავს ახალი თავმჯდომარე და ყველა უნდა დაემორჩილოს იმ პრინციპებს, რომელი პრინციპებიც არსებობს პარტიაში, – ამბობს ბოტკოველი.

„ტვ პირველი“