საარჩევნო პროცესს დღეიდან ევროდეპუტატები გააკონტროლებენ. დელეგაცია, რომელიც 7 დეპუტატისგან შედგება, თბილისში გვიან ღამით ჩამოვიდა. მათ შორის არიან მარინა კალიურანდი და მარკეტა გრეგორევა.
მარინა კალიურანდის თქმით, ევროპარლამენტარებმა სააკაშვილს სთხოვეს პროვოკაციებისგან თავი შეეკავებინა.
მნიშვნელოვანია, რომ ევროპარლამენტი და ევროკავშირი აქ არის, ჩემი გზავნილი ყველა პარტიის მიმართ იქნება, რომ პატივი სცენ მშვიდობიან და დემოკრატიულ არჩევნებს, ასევე ოდირის შეფასებას, შეხვედრა მქონდა მიხეილ საკააშვილთან, რამდენიმე კვირის წინ მას სტრასბურგში შევხვდი. ვთხოვეთ, რომ მოერიდოს პროვოკაციებს და გამოიყენოს მისი კაპიტალი ქვეყანაში დეპოლარიზაციისთვის, რადგან ქვეყანა იმსახურებს დემოკრატიულ და სამართლიან არჩევნებს”, – თქვა მარინა კალიურანდიმ.
ევროპარლამენტარი მარკეტა გრეგორევა სააკაშვილის საქართველოში შესაძლო დაბრუნებას უარყოფითად აფასებს და ამბობს, რომ მისი ჩამოსვლა ქვეყანაში სტაბილურობას საფრთხეს შეუქმნის. გრეგორევას თქმით, საქართველოს ჭირდება სიმშვიდე, რადგან ეს არჩევნები ევროპისთვისაც უმნიშვნელოვანესია.
ეს არჩევნები ძალიან მნიშვნელოვანია, მათ შორის ევროპარლამენტარებისთვისაც, იმ ყველაფრის შემდეგ რაც მოხდა ძალადობა, მათ შორის ჟურნალისტებზეც. ეს არ არის უბრალოდ ადგილობრივი არჩევნები, დაახლოებით საპარლამენტო არჩევნების დონეზეა, იმიტომ რომ ამ არჩევნებმა უნდა გვაჩვენოს მიდის თუ არა საქართველო დასავლეთის გზით, აქ ვართ იმისთვის რომ თვალი ვადევნოთ რომ წარსულში მომხდარი ფაქტები ახლაც არ მოხდება.
მე მჯერა რომ მის (სააკაშვილის) დაბრუნებას ექნება დიდი გავლენა, მაგრამ არ ვფიქრობ, რომ ეს იქნება პოზიტიური გავლენა, რადგან ახლა არჩევნებზე სტაბილურობა გვჭირდება მისი ჩამოსვლა კი ამას არ მოგვიტანს”, – ამბობს მარკეტა გრეგორევა.
კომენტარები