მიხეილ სააკაშვილის ადვოკატი, ნიკა გვარამია სახალხო დამცველს მიმართავს, რომ მიხეილ სააკაშვილთან წამების საწინააღმდეგო კომიტეტის ნაციონალური მექანიზმის ხელმძღვანელი შევიდეს.
ნიკა გვარამიას თქმით, მიხეილ სააკაშვილი გლდანის მე-18 სასჯელაღსრულების დაწესებულებაში წამების მუდმივი მსხვერპლია:
“მივმართავთ სახალხო დამცველს, როგორც წამების საწინააღმდეგო კონვენციის, დამატებითი პროტოკოლის, ე.წ. ოპკატის ნაციონალური მექანიზმის განმახორციელებელს, შევიდეს წამების საწინააღმდეგო კომიტეტის ნაციონალური მექანიზმი – სახალხო დამცველის წარმომადგენელი, ვინც ამ მექანიზმს კურირებს, მიხეილ სააკაშვილთან, ვინაიდან იგი არის წამების მსხვერპლი. ეს მოხდეს რაც შეიძლება სწრაფად.
მოვითხოვთ ოპკატის ნაციონალური მექანიზმისგან, რომ დაოქმდეს მიხეილ სააკაშვილის ჩვენება წამებასთან დაკავშირებით, ასევე მოხდეს ინსპექტირება, იმ პირობების და წამების იმ ფორმების, რომლის ქვეშაც მიხეილ სააკაშვილი იმყოფება”
კომენტარები