რუსული კლუბები ევროპული კლუბების ასოციაციიდან გარიცხეს

„ზენიტი“, „სპარტაკი“, „რუბინი“, ცსკა, „როსტოვი“, „კრასნოდარი“ და „ლოკომოტივი“ ევროპული კლუბების ასოციაციის წევრები აღარ არიან.

ევროპის კლუბების ასოციაციამ (ECA), რომელიც უეფა-ში კლუბების ინტერესებს წარმოადგენს, 2022 წელს პირველი შეხვედრა გამართა. დღის წესრიგში ერთ-ერთი მთავარი საკითხი აგრესორი რუსეთის წარმომადგენელთა სტრუქტურიდან გარიცხვა იყო.

ECA სრულად უჭერს მხარს იმ სანქციებს, რომლებიც რუსეთს უეფა-მ და ფიფა-მ დაუწესა.

„ECA-მ ასევე მტკიცედ დაუჭირა მხარი უეფა-ს აღმასრულებელი კომიტეტის გადაწყვეტილებას ჩემპიონთა ლიგის ფინალის პეტერბურგიდან პარიზში გადადების შესახებ. გარდა ამისა, ორგანიზაციის აღმასრულებელმა საბჭომ დღეს გადაწყვიტა, რომ ყველა რუსული გუნდი დაუყოვნებლივ შეწყვეტს მონაწილეობას ECA-ს საქმიანობაში“, – წერია ორგანიზაციის ოფიციალურ გვერდზე გავრცელებულ ცნობაში.

ამავე დროს, ევროპის კლუბების ასოციაციამ სოლიდარობა გამოხატა უკრიანულ კლუბებისა და მოთამაშეების მიმართ.

ცნობისთვის, უკრაინის ფეხბურთის ასოციაციამ ფიფასა და უეფას ოფიციალურად მიმართა, რომ რუსეთის ეროვნული ნაკრები და რუსული საფეხბურთო კლუბები მათი ეგიდით გასამართი ტურნირებიდან მოკვეთონ.

წყარო