კიევსა და მის შემოგარენში ამ დრომდე მძიმე მდგომარეობაა. ქალაქებში ისევ ისმის სროლის და აფეთქებების ხმა, მოქალაქეები კი ღამეებს კვლავ მეტროსადგურებსა და სარდაფებში.
უკრაინაში მყოფი საქართველოს მოქალაქეები “მთავარ არხთან” ყვებიან, რომ კიევის ქუჩებში გადაადგილდებიან რუსი დივერსანტები. მათი თქმით, ისინი ბავშვებს სათამაშო ყუთებს აძლევენ, სადაც ასაფეთქებელი მოწყობილობებია მოთავსებული.
“საშინელი სიტუაციაა. რამოდენიმე უბანში, რომლებიც მათთვის სტრატეგიულად მისაღებია, გრძელდება დაბომბვები. გუშინ საღამოს ის ხალხი [დივერსანტები], რომლებიც შემოსულები იყვნენ მანამდე, რამოდენიმე მათგანი, რომლებიც გადაცმულები არიან, ბავშვებს ურიგებდნენ ყუთებს, თითქოს საჩუქრებს აძლევდნენ და სინამდვილეში, შიგნით იყო ბომბები“, – ამბობს უკრაინაში მცხოვრები ქართველი, კრისტი ადამაძე.
“იყო გაფრთხილებები, რომ შეიძლებოდა ყოფილიყო ბომბები სხვადასხვა სახით, სათამაშოების ან სხვა საგნების სახით”, – ამბობს მარიამ მურვანიძე.
კომენტარები