როსტურიზმმა ეროვნული ტურისტული მარშრუტი გამოაქვეყნა, რომელიც პრეზიდენტ პუტინის დასვენების ადგილებს მოიცავს. დეპარტამენტის ხელმძღვანელის, ზარინა დოგუზოვას განცხადებით, რომელიც მან პეტერბურგის საერთაშორისო ეკონომიკურ ფორუმზე გააკეთა, ეს არის “აბსოლუტურად განსაკუთრებული” მარშრუტი, რომელსაც ანალოგი არ აქვს – “ის გადის კრასნოიარსკის ტერიტორიის, ხაკასიასა და ტივას ტერიტორიებზე”- განმარტა მან.
როსტურიზმის პრესსამსახურში განმარტავენ, რომ ეს მარშრუტი ერთ-ერთია იმ ხუთი ეროვნული მარშრუტიდან, რომელმაც გამოცდა გაიარა.
უწყებამ ოქტომბერში გამოაცხადა პუტინის დასასვენებელი ადგილების მარშრუტის შემუშავების შესახებ. დეპარტამენტი ამტკიცებდა, რომ იყო “ბევრი მოთხოვნა ტურისტებისგან”, რომლებიც ტელევიზორში ხედავდნენ უნიკალურ ადგილებს და სურდათ იქ წასვლა.
კომენტარები