რუსეთის პოლიციამ ქვეყნის მთელ ტერიტორიაზე მასობრივი რეიდები ჩაატარა იეჰოვას მოწმეების დასაპატიმრებლად. გავრცელებული ინფორმაციით, რელიგიური ჯგუფის წევრთა წინააღმდეგ განხორციელდა მასობრივი დარბევები, რომლის ფონზეც დააკავეს სასულიერო პირები და მქადაგებლები- მათ წინააღმდეგ კი სისხლის სამართლებრივი საქმეებია აღძრული.
სამართალდამცავი ორგანოები აცხადებენ, რომ მათ დაიწყეს გამოძიება იმ რელიგიური ჯგუფების მიმართ, რომლებიც რუსეთში აღქმულნი არიან, როგორც ექსტრემისტები და არაკანონიერები, რომლებიც გამომძიებელთა თქმით, ქმნიდნენ მათი მოქმედების საკვანძო ცენტრსა და ფილიალებს რუსეთის მთელ ტერიტორიაზე.
რუსეთის უზენაესმა სასამართლომ 2017 წლის ბრძანებულებით გააუქმა და არაკანონიერად სცნო იეჰოვას მოწმეების საქმიანობა ქვეყნის ტერიტორიაზე, რომლის ფონზეც აღნიშული რელიგიური ჯგუფის მიმდევრები დააპატიმრეს და სისხლის სამართლებრივი დევნა დაიწყეს მათი საქმიანობის გამო.
კომენტარები