რუსეთში კორონავირუსის დელტა ვარიანტის ქვეშტამი გამოვლინდა, რომელიც სავარაუდოდ კიდევ უფრო მეტად გადამდებია.
ინფორმაციას Reuters ავრცელებს და წერს, რომ ქვეყანაში ახალი შტამის “ცალკეული შემთხვევები” დაფიქსირდა.
მკვლევარის, კამილ ხაფიზოვის ინფორმაციით, AY.4.2 (დელტა +) შესაძლოა 10%-ით გადამდები იყოს, ვიდრე დელტა ვარიანტი, რომელმაც ინფიცირებისა და გარდაცვალების დღიური შემთხვევები რეკორდულ მაჩვენებლამდე მიიყვანა, ახალმა ვარიანტმა შესაძლოა დელტა ვარიანტი სრულიად ჩაანაცვლოს. მან ასევე აღნიშნა, რომ ეს პროცესი ხანგრძლივი იქნება.
ასევე ხაფიზოვის განცხადებით, ვაქცინაცია ახალი შტამის წინააღმდეგ საკმარისად ეფექტურია.
იგივე შტამი ცოტა ხნის წინ დიდ ბრიტანეთშიც გამოვლინდა.
კომენტარები